PM MODI @73: ପ୍ରଧାନମନ୍ତ୍ରୀଙ୍କ ପାଇଁ ଲମ୍ବା ବାର୍ଥ ଡେ କାର୍ଡ, ଶୁଭେଚ୍ଛା ଜଣାଇଲେ ଦୃଷ୍ଟିବାଧିତ ପିଲା

ଲକ୍ଷ୍ନୌ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ । ଏନେଇ ଚାରିଆଡୁ ପ୍ରଧାନମନ୍ତ୍ରୀଙ୍କୁ ଛୁଟୁଛି ଶୁଭେଚ୍ଛାର ସୁଅ । ଭିନ୍ନ ଭିନ୍ନ ଶୈଳୀରେ ଜନ୍ମଦିନର ଶୁଭେଚ୍ଛା ଜଣାଉଛନ୍ତି ପ୍ରଶଂସକ ମାନେ । କିଏ ବାଲୁକା କଳାରେ ତ ଆଉ କିଏ ସ୍ମୋକ ଆର୍ଟ ମାଧ୍ୟମରେ ମୋଦିଙ୍କ ଚିତ୍ର ଆଙ୍କି ଶୁଭେଚ୍ଛା ଜଣାଉଛନ୍ତି । ଲକ୍ଷ୍ନୌରେ ଦୃଷ୍ଟିବାଧିତ ପିଲା ମାନେ ଏକ କାର୍ଡ ତିଆରି କରି ମୋଦିଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। ଏହି କାର୍ଡ 1କିମି 25 ମିଟର ପର୍ଯ୍ୟନ୍ତ ବ୍ୟାପିଛି । ଏହି କାର୍ଡରେ ମୋଦିଙ୍କ ଅନେକ ଫଟୋ ରହିଛି । ଦୃଷ୍ଟିଶକ୍ତି ହରାଇଥିଲେ ମଧ୍ୟ ସେ କାର୍ଡ ତିଆରି ପ୍ରଧାନମନ୍ତ୍ରୀଙ୍କ ପ୍ରତି ଥିବା ଭଲପାଇବାକୁ ଦର୍ଶାଇ ପାରିଛନ୍ତି । ଏହି କାର୍ଡ ତିଆରି କରିବାକୁ ପ୍ରାୟ 2 ମାସ ସମୟ ଲାଗିଥିଲା। 400 ଜଣ ପିଲା ଏହାକୁ ତିଆରି କରିଛନ୍ତି । ମୋଦିଙ୍କ ଦ୍ବାରା ଗତ 9 ବର୍ଷ ମଧ୍ୟରେ କରାଯାଇଥିବା ବିଭିନ୍ନ ପ୍ରଶଂସନୀୟ କାର୍ଯ୍ୟକୁ କାର୍ଡରେ ଫଟୋ ମାଧ୍ୟମରେ ଦର୍ଶାଯାଇଛି ।