ଚାଲିଛି ଷୋଡଶ ଦିନାତ୍ମକ ପୂଜା, ତ୍ରିପୁରା ଭୈରବୀ ବେଶରେ ମା’ କଟକ ଚଣ୍ଡୀଙ୍କ ଦୁର୍ଲଭ ବେଶ

କଟକ: ଶାରଦୀୟ ଦୁର୍ଗାପୂଜା ପାଇଁ କଟକର ବିଭିନ୍ନ ଶକ୍ତି ପୀଠ ଗୁଡିକରେ ଆରମ୍ଭ ହୋଇଛି ଶରତକାଳୀନ ଷୋହଳ ଦିନାତ୍ମକ ବେଶ । କଟକର ଆରାଧ୍ୟ ଦେବୀ ମା' କଟକ ଚଣ୍ଡୀ । ଆଜି (ଶନିବାର) ପବିତ୍ର ଆଶ୍ବିନ ଷୋଡଶ ଦିନାତ୍ମକ ପୂଜାର ୭ମ ଦିନରେ ମା' କଟକ ଚଣ୍ଡୀ ତ୍ରିପୁରା ଭୈରବୀ ବେଶରେ ଦର୍ଶନ ଦେଇଛନ୍ତି । ହୋମ ଯଜ୍ଞ, ଚଣ୍ଡୀପାଠରେ ସମଗ୍ର ଅଞ୍ଚଳରେ ଭକ୍ତିମୟ ପରିବେଶ ସୃଷ୍ଟି ହୋଇଛି । ବର୍ଷକରେ ଥରେ ମା' ଙ୍କର ଏହି ଦୁର୍ଲଭ ବେଶ ଦେଖି ଶ୍ରଦ୍ଧାଳୁମାନେ ଭାବବିହ୍ବଳ ହୋଇଛନ୍ତି । ତେବେ କଟକ ସମେତ ଅନ୍ୟ ଜିଲ୍ଲାରୁ ମଧ୍ୟ ଭକ୍ତ ଆସି କଟକ ଚଣ୍ଡୀଙ୍କୁ କରୁଛନ୍ତି ଦର୍ଶନ ।