Watch: ସୀମା ପାଲଟିଲେ ସନାତନି, ଜନ୍ମାଷ୍ଟମୀରେ ଗ୍ରହଣ କଲେ ଗୁରୁ ଦିକ୍ଷା
🎬 Watch Now: Feature Video
ନୂଆଦିଲ୍ଲୀ: ପାକିସ୍ତାନ ମହିଳା ସୀମା ହୈଦର ପାଲଟିଲେ ସନାତନି । ପବିତ୍ର ଜନ୍ମାଷ୍ଟମୀରେ ସେ ସନାତନ ଧର୍ମ ଗ୍ରହଣ କରିଛନ୍ତି । ସୀମା ଶ୍ରୀକୃଷ୍ଣ ଜନ୍ମୋତ୍ସବରେ ନିଜ ଘରେ ପୂଜା, ହୋମଯଜ୍ଞର ଆୟୋଜନ କରିଥିଲେ । ଏହି ସମୟରେ ସୀମା ଗୁରୁ ଦିକ୍ଷା ନେଇଛନ୍ତି । ଓକିଲ ଏପି ସିଂହଙ୍କ ଉପସ୍ଥିତିରେ ସୀମା ସନାତନ ଧର୍ମ ଗ୍ରହଣ କରିଛନ୍ତି । ଏହାପରେ ସେ ଧୁମଧାମରେ ଜନ୍ମାଷ୍ଟମୀ ପାଳନ କରିବା ସହ ନିଜ ଘରେ ପୂଜାର୍ଚ୍ଚନା କରିଛନ୍ତି । ସୂଚନା ଥାଉ କି ସୀମା ହୈଦର ପାକିସ୍ତାନ କରାଚି ଅଞ୍ଚଳର ଅଧିବାସୀ । ସେ ଗ୍ରେଟର ନୋଏଡା ସଚିନ ମିଣାଙ୍କ ପ୍ରେମରେ ପଡ଼ି ନିଜ ୪ ସନ୍ତାନ ସହିତ ଭାରତ ଆସିଥିଲେ । ତେବେ ସେ ନେପାଳ ସୀମା ଦେଇ ବେଆଇନ ଭାବରେ ଭାରତରେ ରହୁଛନ୍ତି । ତାଙ୍କୁ ପାକିସ୍ତାନ ନ ପଠାଇବା ଲାଗି ସେ ସରକାରଙ୍କୁ ଅନୁରୋଧ ମଧ୍ୟ କରିଛନ୍ତି । ଗ୍ରେଟର ନୋଏଡାର ରବୁପୁରା ଅଞ୍ଚଳରେ ପ୍ରେମିକ ସଚିନ ଓ ୪ ସନ୍ତାନ ସହିତ ସେ ରହୁଥିବା ଜଣାପଡ଼ିଛି । ଏହା ପୂର୍ବରୁ ସୀମା ସ୍ବାଧୀନତା ଦିବସ ଓ ରାକ୍ଷୀ ପୂର୍ଣ୍ଣିମା ମଧ୍ୟ ପାଳନ କରିଥିଲେ ।
ଏହା ବି ପଢନ୍ତୁ- Watch: ପାକ୍ ମହିଳା ସୀମା ହୈଦର ଦେଲେ ପାକିସ୍ତାନ ମୁର୍ଦ୍ଦାବାଦ ନାରା
ବ୍ୟୁରୋ ରିପୋର୍ଟ, ଇଟିଭି ଭାରତ