Watch Video: ବାଲୁକା କଳାରେ ନୂଆ ସଂସଦ ଭବନ, ଶୁଭେଚ୍ଛା ଜଣାଇଲେ ସୁଦର୍ଶନ

ପୁରୀ:  ଆଜି ଉଦଘାଟନ ହେବ ଭାରତର ନୂଆ ସଂସଦ ଭବନ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶ ଉଦ୍ଦେଶ୍ୟରେ ଏହା ଉତ୍ସର୍ଗ କରିବେ । ଏନେଇ ସମସ୍ତ ପ୍ରସ୍ତୁତି ଶେଷ ହୋଇଛି । ଏହି ଐତିହାସିକ ମୁହୂର୍ତ୍ତକୁ ଦେଖିବା ପାଇଁ କୋଟି କୋଟି ଭାରତୀୟ ଉତ୍କଣ୍ଠାର ସହ ଚାହିଁ ବସିଛନ୍ତି । ଏହି ଅବସରରେ ବାଲୁକା ଚିତ୍ରଶିଳ୍ପୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ନୂଆ ସଂସଦ ଭବନର ଏକ ପ୍ରତିକୃତି ବାଲିରେ ନିର୍ମାଣ କରି ସାରା ଦେଶବାସୀଙ୍କୁ ଶୁଭେଚ୍ଛା ଦେଇଛନ୍ତି । ବାଲୁକା ଚିତ୍ରକଳାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରତିକୃତି ସହ ତ୍ରିରଙ୍ଗା, ସେଙ୍ଗଲ, ଲୋକ ସଭା, ରାଜ୍ୟ ସଭାଗୃହର ପ୍ରତିକୃତିକୁ ସେ ସ୍ଥାନ ଦେଇଛନ୍ତି । ଯାହାକି ବେଶ୍ ଆକର୍ଷଣୀୟ ହୋଇଛି । ବିଶେଷ କରି ଭାରତର ନୂଆ ସଂସଦ ଭବନରେ ରହିଥିବା କେତେକ ସ୍ଵତନ୍ତ୍ର ବୈଶିଷ୍ଟ ଯୋଗୁଁ ଚର୍ଚ୍ଚାରେ ରହିଛି ଏହି ଆତ୍ୟାଧୁନିକ ନୂଆ ସଂସଦ ଭବନ ।

ଇଟିଭି ଭାରତ, ପୁରୀ