ହାଇଦ୍ରାବାଦ: ଭାରତ ଓ ଅଷ୍ଟ୍ରେଲିଆ ଅନ୍ତିମ ଟେଷ୍ଟ ମ୍ୟାଚ ନ ଖେଳିବା ଓ ଟେଷ୍ଟରୁ ଅବସର ଘୋଷଣା ଚର୍ଚ୍ଚାକୁ ନେଇ ମୁହଁ ଖୋଲିଲେ ରୋହିତ ଶର୍ମା । ଟେଷ୍ଟରୁ ଅବସର ନେଇ ନାହିଁ, ସିଡନୀ ଟେଷ୍ଟରୁ ମୁଁ ଓହରି ଯାଇଛି, ଦଳର ହିତ ପାଇଁ ଏପରି ନିଷ୍ପତ୍ତି ନେଇଥିବା କହିଛନ୍ତି ହିଟ ମ୍ୟାନ । ଖେଳର 2 ମାସ କିମ୍ବା 6 ମାସରେ ଫର୍ମ ବଦଳି ପାରେ ବୋଲି କହିଛନ୍ତି ।
ବର୍ଡର-ଗାଭାସ୍କର ସିରିଜରେ ରୋହିତ:
ବର୍ଡର ଗାଭାସ୍କର ଟ୍ରଫିର 3ଟି ମ୍ୟାଚ ରୋହିତ ଖେଳିଥିଲେ । ତାଙ୍କ ଅଧିନାୟକତ୍ବରେ ଦଳ 2ଟି ମ୍ୟାଚରେ ପରାଜିତ ହେବା ସହ ଗୋଟିଏ ମ୍ୟାଚ ଡ୍ର ରହିଥିଲା । ରୋହିତଙ୍କ ପ୍ରଦର୍ଶନ ମଧ୍ୟ ଭଲ ନଥିଲା । 5ଟି ଇନିଂସ ଖେଳି ମାତ୍ର 31 ରନ କରି ଖରାପ ଫର୍ମରେ ରହିଥିଲେ । ଯେଉଁଥିପାଇଁ ସିଡନୀ ଟେଷ୍ଟର ଏକାଦଶରୁ ସେ ବାଦ୍ ପଡିଛନ୍ତି । ଏଥିସହ ସେ ଟେଷ୍ଟ କ୍ରିକେଟରୁ ଅବସର ନେଇପାରନ୍ତି ବୋଲି ମଧ୍ୟ ଚର୍ଚ୍ଚା ହେଉଥିଲା ।
🗣️🗣️ It is an important match and we need a player in form. Right now, what the team needs is the priority: Rohit Sharma #TeamIndia | #AUSvIND | @ImRo45 pic.twitter.com/G9o5iD2dte
— BCCI (@BCCI) January 4, 2025
'ମୁଁ ଅବସର ନେବି ନାହିଁ':
ଷ୍ଟାର ସ୍ପୋର୍ଟସକୁ ରୋହିତ ଶର୍ମା କହିଛନ୍ତି, ''ସିଡନୀ ଟେଷ୍ଟ ନଖେଳିବା ମୋର ବ୍ୟକ୍ତିଗତ ନିଷ୍ପତ୍ତି ଥିଲା । ତା ମାନେ ନୁହେଁ ଯେ ମୁଁ ଅବସର ନେବି । ମୁଁ ଏହି ଫର୍ମାଟରୁ ଅବସର ନେବି ନାହିଁ । ମାଇକ୍, ପେନ୍ କିମ୍ବା ଲାପଟପ୍ ପାଖରେ ବସିଥିବା ବ୍ୟକ୍ତି ଯାହା ଲେଖନ୍ତି କିମ୍ବା କୁହନ୍ତି, ଏଥିରେ କିଛି ଫରକ ପଡେନାହିଁ । ସେମାନେ ଆମ ପାଇଁ ନିଷ୍ପତ୍ତି ନେଇ ପାରିବେ ନାହିଁ । ବ୍ୟାଟରୁ ଏବେ ରନ ଆସୁନି ସତ, କିନ୍ତୁ 2ରୁ 6 ମାସ ପରେ ବ୍ୟାଟରୁ ରନ ଆସିବ ନାହିଁ ବୋଲି କୌଣସି ଗ୍ୟାରେଣ୍ଟି ଦେଇପାରିବେ ନାହିଁ । ମୁଁ କଣ କରୁଛି ତା ମୁଁ ଜାଣିପାରୁଛି '' ।
💬💬 I always stay in the present and think about what needs to be done now: Rohit Sharma#TeamIndia | #AUSvIND | @ImRo45 pic.twitter.com/gAgyC95Zks
— BCCI (@BCCI) January 4, 2025
'ଫର୍ମରେ ଥିବା ଖେଳାଳିଙ୍କ ଆବଶ୍ୟକତା ରହିଛି':
ରୋହିତ ଆହୁରି ମଧ୍ୟ କହିଛନ୍ତି, "କୋଚ୍ ଏବଂ ଚୟନକର୍ତ୍ତାଙ୍କ ସହ ମୋର ଆଲୋଚନା ବହୁତ ସରଳ ଥିଲା । ମୋ ବ୍ୟାଟ୍ ରନ୍ ଆସୁନଥିଲା , ମୁଁ ଫର୍ମରେ ନାହିଁ, ଏହା ଏକ ଗୁରୁତ୍ୱପୂର୍ଣ୍ଣ ମ୍ୟାଚ, ତେଣୁ ଫର୍ମରେ ଥିବା ଖେଳାଳିଙ୍କ ଆବଶ୍ୟକତା ରହିଛି । ବହୁ ଖେଳାଳି ଭଲ ଫର୍ମରେ ମଧ୍ୟ ନାହାନ୍ତି । ଏଥିପାଇଁ ମୁଁ ଭାବିଲି ଖରାପ ଫର୍ମରେ ଥିବା ଖେଳାଳିଙ୍କୁ ଏକାଦଶରେ ରଖାଯିବ ନାହିଁ । ସେମାନେ ମୋତେ କହିଥିଲେ ଯେ ତୁମେ ଏତେ ବର୍ଷ ଧରି ଖେଳୁଛି, ତୁମର ବିଚାରଧାରା ତାହା ସର୍ବୋତ୍ତମ । ''
ମେଲବର୍ଣ୍ଣ ଟେଷ୍ଟରେ ନୈରାଶ୍ୟଜନକ ପ୍ରଦର୍ଶନ ଯୋଗୁଁ ଅନ୍ତିମ ଟେଷ୍ଟ ମ୍ୟାଚରେ ରୋହିତଙ୍କୁ ଏକଦାଶରେ ସ୍ଥାନ ମିଳିପାରିନଥିଲା । କାହିଁକିନା ଟେଷ୍ଟ ସିରିଜରେ 5ଟି ଇନିଂସ ଖେଳି ମାତ୍ର ୩୧ ରନ କରିଛନ୍ତି । ଫର୍ମରେ ନଥିବା କାରଣରୁ ତାଙ୍କୁ ମ୍ୟାଚ ଖେଳିବାକୁ ସୁଯୋଗ ମିଳିପାରି ନାହିଁ । ତାଙ୍କ ସ୍ଥାନରେ ବୁମରାଙ୍କ କାନ୍ଧରେ ଦଳର ଦାୟିତ୍ବ ଦିଆଯାଇଥିଲା । ଖରାପ ଫର୍ମ ପରେ ରୋହିତ ଟେଷ୍ଟରୁ ଅବସର ନେଇପାରନ୍ତି ବୋଲି ଚର୍ଚ୍ଚା ହେଉଥିଲା ।
