ଭୁବନେଶ୍ବର: ଜାତୀୟ ସ୍ତରରେ ଖୋ ଖୋ ଖେଳ ପାଇଁ ଆସିଛି ସୁବର୍ଣ୍ଣ ସମୟ । ଓଡି଼ଶା ସରକାର ଖୋ ଖୋ ଖେଳକୁ ଯୋଗାଇ ଦେବେ ପ୍ରୋତ୍ସାହନ । ଜାତୀୟ ଟିମକୁ ଆଗାମୀ 3 ବର୍ଷ ପାଇଁ ପ୍ରାୟୋଜକ ରହିବ ଓଡି଼ଶା । ଏହି ସ୍ପନସରସିପର ଅବଧି 2025 ଜାନୁଆରୀରୁ 2027 ଡିସେମ୍ବର ପର୍ଯ୍ୟନ୍ତ ରହିବ । ଏଥିପାଇଁ ବର୍ଷକୁ 5 କୋଟି ଟଙ୍କା ଲେଖାଏଁ ସମୁଦାୟ 15 କୋଟି ଟଙ୍କା ଖର୍ଚ୍ଚ ହେବ । ଓଡିଶା ଖଣି ନିଗମ ପକ୍ଷରୁ ଏହି ଅର୍ଥ ପ୍ରଦାନ କରାଯିବ । ଏହା ଦ୍ୱାରା ଭାରତୀୟ ଖୋ ଖୋ ଖେଳାଳୀ ପ୍ରୋତ୍ସାହନ ପାଇବେ । ଏହା ସହିତ ଓଡି଼ଶା ମଧ୍ୟ ଜାତୀୟ ଓ ଅନ୍ତର୍ଜାତୀୟ ଖେଳରେ ବ୍ରାଣ୍ଡିଂ ଜରିଆରେ ବିଶ୍ୱସ୍ତରରେ ରାଜ୍ୟର ଛବିକୁ ଉଜ୍ଜଳ କରିପାରିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ପୂର୍ବରୁ ଜାତୀୟ ହକିକୁ ଓଡିଶା ସ୍ପନସରସିପ୍ ଜାରି ରଖିଛି ।
ଜାତୀୟ ଖୋ ଖୋ ଟିମ୍ କୁ ଅଗାମୀ ୩ ବର୍ଷ ପାଇଁ ସ୍ପନସର କରିବା ପାଇଁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି।
— Mohan Charan Majhi (@MohanMOdisha) January 3, 2025
ଏଥି ନିମନ୍ତେ ବର୍ଷକୁ ମୋଟ ୫ କୋଟି ହିସାବରେ ୩ ବର୍ଷରେ ୧୫ କୋଟି ଖର୍ଚ୍ଚ ହେବ। ଓଡ଼ିଶା ଖଣି ନିଗମ ତରଫରୁ ଏହି ଆର୍ଥିକ ସହାୟତା ପ୍ରଦାନ କରାଯିବ। ଯାହାକି ଖୋ ଖୋ ଖେଳାଳିଙ୍କୁ ପ୍ରୋତ୍ସାହିତ କରିବା ସହିତ ସାରା ବିଶ୍ୱରେ ଓଡ଼ିଶାର…
ଓଡି଼ଶାର ଯୁବବର୍ଗଙ୍କ ମଧ୍ୟରେ ଖୋ ଖୋ ଏକ ଲୋକପ୍ରିୟ କ୍ରୀଡା । ଏହି ନିଷ୍ପତ୍ତି ଦ୍ୱାରା କ୍ରୀଡାକୁ ଅଧିକ ପ୍ରୋତ୍ସାହନ ଦେବା ସହିତ ଅଧିକରୁ ଅଧିକ ଯୁବ ଖେଳାଳିଙ୍କୁ କ୍ରୀଡା ପ୍ରତି ଆକୃଷ୍ଟ କରିବାକୁ ରାଜ୍ୟ ସରକାର ଲକ୍ଷ୍ୟ ରଖିଛନ୍ତି । ଯାହା ରାଜ୍ୟରେ ପ୍ରତିଭାର ଏକ ମଜବୁତ ସ୍ତର ସୃଷ୍ଟିରେ ସହାୟକ ହେବ । ଖୋ ଖୋ ସହ ରାଜ୍ୟର ଭାଗିଦାରୀ ଦେଶର କ୍ରୀଡ଼ାର ପୁନରୁଦ୍ଧାର ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ । ଯାହା ଦ୍ୱାରା ରାଜ୍ୟରେ କ୍ରୀଡା ବ୍ୟବସାୟ ଓ ପର୍ଯ୍ୟଟନ କ୍ଷେତ୍ରରେ ଯୋଗଦାନ ମିଳିବ ।
ଏହା ମଧ୍ୟ ପଢନ୍ତୁ-ଏହା ମଧ୍ୟ ପଢନ୍ତୁ-ରୋହିତଙ୍କ ନାମରେ ଅଲୋଡା ରେକର୍ଡ, ଭାରତୀୟ କ୍ରିକେଟ ଇତିହାସରେ ପ୍ରଥମ - ROHIT SHARMA EMBARRASSING RECORD
ଭାରତୀୟ ହକି ଦଳର 2036 ଯାଏଁ ପ୍ରାୟୋଜକ ରହିଛି ଓଡି଼ଶା । 2018ରୁ 2033 ଯାଏଁ ଓଡିଶା ଭାରତୀୟ ହକିର ପ୍ରାୟୋଜକ ଥିବାବେଳେ ଏହାକୁ ଆଉ 3 ବର୍ଷ ବୃଦ୍ଧି କରିବାକୁ ମୋହନ ସରକାର ନିଷ୍ପତ୍ତି ନେଇଥିଲେ । ଓଡ଼ିଶା ସରକାରଙ୍କ ପକ୍ଷରୁ 2036 ମସିହାରେ ସ୍ଵତନ୍ତ୍ର ଓଡ଼ିଶା ପ୍ରଦେଶ ଗଠନର ଶହେ ବର୍ଷ ପୂର୍ତ୍ତି ପାଳନ ହେବାକୁ ଯାଉଛି । ସେଥିପାଇଁ ଓଡ଼ିଶା ସରକାରଙ୍କ ହକି ଇଣ୍ଡିଆକୁ ପ୍ରାୟୋଜକ ଅବଧି ସମୟକୁ 3 ବର୍ଷ ବୃଦ୍ଧି କରିଛନ୍ତି । ଓଡିଶା ସରକାର 2018 ମସିହାରୁ ଉଭୟ ପୁରୁଷ ଓ ମହିଳା ଜାତୀୟ ହକି ଦଳର ସରକାରୀ ପ୍ରାୟୋଜକ ରହିଛନ୍ତି । ଓଏମସି ପକ୍ଷରୁ ହକି ଇଣ୍ଡିଆକୁ ପ୍ରାୟ 500 କୋଟି ଟଙ୍କାର ଟିକସ ରହିତ ଅର୍ଥ ପ୍ରଦାନ କରାଯିବ ।
ଇଟିଭି ଭାରତ, ଭୁବନେଶ୍ବର
