ସଂସଦରେ ପ୍ରବାସୀ ଝଡ଼: ରାଜ୍ୟସଭାରେ ଜୟଶଙ୍କରଙ୍କ ବିବୃତି, ‘ନୂଆ କଥା ନୁହେଁ’

ଆମେରିକାରୁ ନିର୍ବାସିତ ଭାରତୀୟଙ୍କୁ ଫେରାଇ ଦିଆଯିବା ପ୍ରସଙ୍ଗରେ ଆଜି ରାଜ୍ୟସଭାରେ ବିବୃତି ରଖିଛନ୍ତି ବୈଦେଶିକ ମନ୍ତ୍ରୀ । କୌଣସି ନୂଆ କଥା ନୁହେଁ । ପୂର୍ବରୁ ଆସିଛନ୍ତି ପ୍ରବାସୀ ।

ନୂଆଦିଲ୍ଲୀ: ସଂସଦରେ ପ୍ରବାସୀ ଭାରତୀୟ ଝଡ । ଆମେରିକାରୁ ଭାରତୀୟଙ୍କୁ ଫେରାଇ ଦିଆଯିବା ପ୍ରସଙ୍ଗରେ କେନ୍ଦ୍ର ସରକାରଙ୍କୁ ଘେରିଛନ୍ତି ବିରୋଧୀ । ଭାରତ ସହ ଆମେରିକା ସମ୍ପର୍କକୁ ନେଇ ବିରୋଧୀ ସରକାରଙ୍କୁ ଘେରିଥିବା ବେଳେ ଏ ପ୍ରସଙ୍ଗରେ ଆଜି ରାଜ୍ୟସଭାରେ ବିବୃତି ରଖିଛନ୍ତି ବୈଦେଶିକ ମନ୍ତ୍ରୀ ଏସ.ଜୟଶଙ୍କର । ବୈଦେଶିକ ମନ୍ତ୍ରୀ ସମ୍ବୋଧନ କରି କହିଛନ୍ତି, ଏହି କାର୍ଯ୍ୟାନୁଷ୍ଠାନ ନୂଆ ନୁହେଁ । ପୂର୍ବରୁ ମଧ୍ୟ ଯେଉଁ ଲୋକମାନେ ବେଆଇନ ଭାବେ କୌଣସି ଦେଶରେ ରହୁଥିବା ମିଳନ୍ତି ସେମାନଙ୍କୁ ଦେଶକୁ ପଠାଇ ଦିଆଯାଏ । ଏହା ମଧ୍ୟ ଜଣାଇ ଦେବାକୁ ଚାହୁଁଛି ମୋବିଲିଟି ଓ ମାଇଗ୍ରେସନ କୌଣସି ଦେଶକୁ ଆଗକୁ ବଢାଇବାରେ ମହତ୍ତ୍ବପୂର୍ଣ୍ଣ ଭୂମିକା ନିର୍ବାହ କରିଥାଏ ।

#WATCH | Speaking in Rajya Sabha on Indian citizens deported from the US, EAM Dr S Jaishankar says, " it is in our collective interest to encourage legal mobility and discourage illegal movement...it is the obligation of all countries to take back their nationals if they are found… pic.twitter.com/iH8NRou51M

— ANI (@ANI) February 6, 2025

ରାଜ୍ୟସଭାରେ ବୈଦେଶିକ ମନ୍ତ୍ରୀ ଏସ ଜୟଶଙ୍କର ବିବୃତ୍ତିରେ କହିଛନ୍ତି,‘ ଗୋଟିଏ ଦେଶ ହିସାବରେ ଆମେ ଲିଗାଲ ମୋବିଲିଟି(ଆଇନଗତ ଭାବେ କୌଣସି ଦେଶର ନାଗରିକ ଅନ୍ୟ ଦେଶକୁ ଯିବା)କୁ ଅଗ୍ରାଧିକାର ଦିଆଯାଏ । ଅବୈଧ ଭାବେ ଯାଉଥିବା ନାଗରିକଙ୍କ ଏହି କାର୍ଯ୍ୟକୁ ପ୍ରୋତ୍ସାହନ କରାଯାଏ ନାହିଁ । ଆମ ଦେଶର ଯେଉଁ ନାଗରିକ ଅବୈଧ ଭାବେ ଅନ୍ୟ ଦେଶକୁ ଯାଇଛନ୍ତି, ସେମାନେ ତାଙ୍କ ଦେଶର ଆଇନ ହିସାବରେ ସେମାନଙ୍କୁ ଧରି ପଠାଇ ଦେଇଛନ୍ତି । ଏହି ପ୍ରକ୍ରିୟା କୌଣସି ନୂଆ ନୁହେଁ ।’

କେଉଁ ବର୍ଷ	କେତେ ଆସିଛନ୍ତି
2009	734
2010	799
2011	597
2012	530
2013	515
2014	591
2015	708
2016	1303
2017	1024

2018	1180
2019	2042
2020	1889
2021	805
2022	862
2023	617
2024	1368
2025	104

2009ରୁ ଚାଲିଆସିଛି ପ୍ରକ୍ରିୟା:

ବୈଦେଶିକ ମନ୍ତ୍ରୀ ସଂସଦରେ ଆହୁରି କହିଛନ୍ତି, ‘କୌଣସି ଭାରତୀୟ ଯେ କୌଣସି ଦେଶରେ ଅବୈଧ ଭାବେ ରହିଆସୁଛନ୍ତି ସେମାନଙ୍କୁ ସ୍ବଦେଶ ପଠାଇବା ପ୍ରକ୍ରିୟା 2009 ମସିହାରୁ ଚାଲି ଆସିଛି । ଯେବେ କି ଲୋକଙ୍କୁ ବିମାନରେ ପଠାଇବା ପ୍ରକ୍ରିୟା 2012 ମସିହାରୁ ଚାଲିଆସିଛି । ଏହି ପ୍ରକ୍ରିୟାରେ କିଛି ବି ନୂଆ ନାହିଁ ।

ନିୟମ ଅନୁସାରେ ପଠାଯାଇଛି ପ୍ରବାସୀଙ୍କୁ:

ବୈଦେଶିକ ମନ୍ତ୍ରୀ ସଂସଦରେ ଆହୁରି କହିଛନ୍ତି, ‘ସାଂସଦଙ୍କୁ ଜାଣିବା ଉଚିତ୍‌ ଏହା କୌଣସି ନୂଆ କଥା ନୁହେଁ, ଏହା ପୂର୍ବରୁ ବି ଏହା ହେଉଛି । 2009ରେ 734 ପ୍ରବାସୀଙ୍କୁ ପଠାଯାଇଥିଲା । ଏହି ପରି ଭାବେ ପ୍ରତିବର୍ଷ ଶହ ଶହ ଲୋକେ ଫେରୁଛନ୍ତି । ପ୍ରତ୍ୟେକ ଦେଶରେ ନାଗରିକତାର ଯାଞ୍ଚ ହୁଏ । 2012ରୁ ସେନା ବିମାନରେ ପଠାଇବା ନିୟମ ଲାଗୁ ହୋଇଛି । ଏହାକୁ ନେଇ କୌଣସି ଭେଦଭାଦ ହୁଏ ନାହିଁ । ଅବୈଧ ପ୍ରବାସୀ ଫସିଥିଲେ । ସେମାନଙ୍କୁ ଆଣିବାର ଥିଲା ।’

ଏହା ମଧ୍ୟ ପଢନ୍ତୁ:

ଭାରତ ଫେରିଲେ 104 ପ୍ରବାସୀ:

ଆମେରିକାରେ ବେଆଇନ ଭାବେ ରହୁଥିବା 104 ପ୍ରବାସୀ ଭାରତୀୟଙ୍କୁ ଗତକାଲି ପଞ୍ଜାବର ଅମୃତସହରରେ ପହଞ୍ଚିଛନ୍ତି । ଆମେରିକା ବାୟୁସେନା ଯୋଗେ ସେମାନେ ଆସି ପହଞ୍ଚିଥିଲେ । ସେମାନଙ୍କୁ ଅତି ନିଷ୍ଠୁର ଭାବେ ପଠାଯାଇଥିବା ନେଇ କହିଥିଲେ । ଏହାକୁ ନେଇ ପ୍ରତିକ୍ରିୟା ପ୍ରକାଶ ପାଇଥିଲା । ଆଜି ଏ ପ୍ରସଙ୍ଗରେ ସଂସଦରେ ଉଠିଥିଲା । ମୋଦି ସରକାରଙ୍କ ସମ୍ପର୍କକୁ ନେଇ ଗୃହରେ ବିକ୍ଷୋଭ କରିଥିଲେ ବିରୋଧୀ । ଏହି ପ୍ରସଙ୍ଗରେ ଆଜି ଗୃହରେ ବିବୃତ୍ତି ରଖିଛନ୍ତି ବୈଦେଶିକ ମନ୍ତ୍ରୀ ।