Balasore Train Tragedy: ମୃତକଙ୍କୁ ଶ୍ରଦ୍ଧାଞ୍ଜଳି ଜଣାଇଲା ରାଉରକେଲା କଂଗ୍ରେସ ଏବଂ CPI(M)

ରାଉରକେଲା: ବାହାନଗାର ଭୟଙ୍କର ଟ୍ରେନ୍‌ ଟ୍ରାଜେଡିରେ ମୃତକଙ୍କୁ ଶ୍ରଦ୍ଧାଞ୍ଜଳି ଜଣାଇଲା ରାଉରକେଲା କଂଗ୍ରେସ ଏବଂ ସିପିଆଇ(ଏମ) । ଗତ ଶୁକ୍ରବାର ରାତିରେ ବାଲେଶ୍ୱର ଜିଲ୍ଲା ବାହନଗାଠାରେ ଘଟିଗଲା ଭୟଙ୍କର ଟ୍ରେନ ଦୁର୍ଘଟଣା । ୩ଟି ଟ୍ରେନ୍ ଦୁର୍ଘଟଣାଗ୍ରସ୍ତ ହେବା ଫଳରେ ଟ୍ରାକରୁ ଦୁଇଟି ଟ୍ରେନ୍‌ର ୧୭ଟି କୋଚ୍‌ ଲାଇନଚ୍ୟୁତ ହୋଇ ଭୟଙ୍କର ଭାବେ କ୍ଷତିଗ୍ରସ୍ତ ହୋଇଛି । ସକାଳୁ ସକାଳୁ ଦେଖିବାକୁ ମିଳିଥିଲା ଦୁର୍ଘଟଣାର ସେ ଭୟଙ୍କର ଦୃଶ୍ୟ । ଏ ଦୃଶ୍ୟ ଖାଲି ସ୍ଥାନୀୟ ବାସିନ୍ଦା ନୁହେଁ, ସାରା ବିଶ୍ୱବାସୀଙ୍କ ହୃଦୟକୁ ଭିଜାଇ ଦେଇଛି । ଏହି କ୍ରମରେ ରାଉରକେଲା କଂଗ୍ରେସ ଦଳ ଏବଂ ସିପିଆଇ(ଏମ୍) ଦୁର୍ଘଟଣାରେ ମୃତକଙ୍କୁ କ୍ୟାଣ୍ଡେଲ ଜାଲି ଶ୍ରଦ୍ଧାଞ୍ଜଳି ଦେଇଛନ୍ତି । ତେବେ ଦୁଇ ଦଳ କହିଛନ୍ତି ଯେ, ଆମର ପ୍ରାର୍ଥନା ପୀଡିତଙ୍କ ପରିବାର ସହ ରହିଛି । ଆମେ ଆଶା କରୁଛୁ ଭବିଷ୍ୟତରେ କର୍ତ୍ତୃପକ୍ଷ ପ୍ରଭାବଶାଳୀ ପଦକ୍ଷେପ ଗ୍ରହଣ କରିବେ । ସମାନ ଦୁର୍ଘଟଣାର ଯେପରି ପୁନରାବୃତ୍ତି ନଘଟିବ ତାକୁ ସୁନିଶ୍ଚିତ କରନ୍ତୁ ସରକାର । 

ଇଟିଭି ଭାରତ, ସୁନ୍ଦରଗଡ