ଖୋର୍ଦ୍ଧାରେ ରାବଣପୋଡ଼ି, ହଜାର ହଜାର ଲୋକଙ୍କ ସମାଗମ

ଖୋର୍ଦ୍ଧା: ବିଜୟା ଦଶମୀ ଅବସରରେ ଖୋର୍ଦ୍ଧା ଜିଲ୍ଳାର ବିଭିନ୍ନ ପୂଜା କମିଟି ଓ ଅନୁଷ୍ଠାନ ପକ୍ଷରୁ ଆୟୋଜିତ ହୋଇଯାଇଛି ରାବଣ ପୋଡ଼ି । ଦଶମୀ ଦିନ ପ୍ରଭୁ ଶ୍ରୀରାମ, ଲଙ୍କାଧିପତି ରାବଣକୁ ନିଧନ କରିଥିଲେ । ଭାରତର ଏଭଳି ସଂସ୍କୃତି ପରମ୍ପରାକୁ ଉଦ୍‌ଜୀବିତ କରିବା ଉଦ୍ଦେଶ୍ୟ ନେଇ ଖୋର୍ଦ୍ଧାର ଅଗ୍ରଣୀ ସ୍ବେଚ୍ଛାସେବୀ ଓ ସାଂସ୍କୃତିକ ଅନୁଷ୍ଠାନ ବଡ଼ିଜୋନ ପକ୍ଷରୁ ସ୍ଥାନୀୟ ହାବେଳୀ ପଡ଼ିଆରେ ଆୟୋଜନ କରାଯାଇଥିଲା ରାବଣପୋଡ଼ି ଉତ୍ସବ । ପ୍ରାୟ ୫୦ଫୁଟ ଉଚ୍ଚର ନିର୍ମିତ ରାବଣରେ ଓଡ଼ିଶା ମୋ ପରିବାରର ରାଜ୍ୟ ମୁଖ୍ୟ ସଂଯୋଜକ ଅରୂପ ପଟ୍ଟନାୟକ ଅଗ୍ନି ସଂଯୋଗ କରିଥିଲେ । ଏହି ରାବଣ ପୋଡି ଦେଖିବାକୁ ଏକତ୍ରିତ ହୋଇଥିଲେ ହଜାର ହଜାର ଲୋକେ । ଇଟିଭି ଭାରତ, ଖୋର୍ଦ୍ଧା