ବାଳାଶ୍ରମରେ ଧୁମ୍ ଧାମରେ ରକ୍ଷା ବନ୍ଧନ ଉତ୍ସବ ପାଳିଲେ ଅନ୍ତେବାସୀ

ପୁରୀ: ଆଜି ପବିତ୍ର ରାକ୍ଷୀପୂର୍ଣ୍ଣିମା । ରେଶମୀ ଡୋରି ବାନ୍ଧି ଭଉଣୀ ଭାଇକୁ ମାଗିବ ରକ୍ଷା କରିବାର ପ୍ରତିଶ୍ରୁତି । ଏହି ପବିତ୍ର ପର୍ବ ପାଇଁ ଉତ୍ସବମୁଖର ପୁରପଲ୍ଲୀ । ପୁରୀର ଉତ୍କଳ ବାଳାଶ୍ରମରେ ମଧ୍ୟ ରକ୍ଷା ବନ୍ଧନ ଉତ୍ସବ ପାଳନ ହୋଇଛି । ପୁରୀର ସ୍ବେଚ୍ଛାସେବୀ ଅନୁଷ୍ଠାନ ରୋଟାରୀ କ୍ଳବ୍ ପୁରୀ ସାଗର ପକ୍ଷରୁ ରକ୍ଷା ବନ୍ଧନ ଉତ୍ସବ ଆୟୋଜନ କରାଯାଇଥିଲା । ବାଳାଶ୍ରମରେ ଥିବା ଅନ୍ତେବାସୀମାନେ ନିଜ ନିଜ ଭିତରେ ରାକ୍ଷୀ ବାନ୍ଧି, ପରସ୍ପରକୁ ମିଠା ଖୁଆଇ ରକ୍ଷା ବନ୍ଧନ ଉତ୍ସବ ପାଳନ କରିଛନ୍ତି । ଇଟିଭି ଭାରତ, ପୁରୀ