PM Modi in Cairo: ପିରାମିଡ ପରିଦର୍ଶନ କଲେ ପ୍ରଧାନମନ୍ତ୍ରୀ, ଦେଖନ୍ତୁ ଭିଡିଓ

ହାଇଦ୍ରାବାଦ: ଇଜିପ୍ଟ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି (ରବିବାର) ଅପରାହ୍ନରେ ଇଜିପ୍ଟର ରାଜଧାନୀ ଉପକଣ୍ଠରେ ଗିଜା ସ୍ଥିତ ଐତିହାସିକ ପିରାମିଡ ପରିଦର୍ଶନ କରିଛନ୍ତି । ମିଶର ସଭ୍ୟତାର ଏହି ଐତିହାସିକ ପିରାମିଡ ବିଶ୍ବର ସପ୍ତ ଆଶ୍ଚର୍ଯ୍ୟ ମଧ୍ୟରେ ସ୍ଥାନ ପାଇଛି । ପ୍ରଧାନମନ୍ତ୍ରୀ ମୋଦିଙ୍କ ସହ ପ୍ରତିପକ୍ଷ ପ୍ରଧାନମନ୍ତ୍ରୀ ମୋସ୍ତାଫା ମାଦବୌଲି ମଧ୍ୟ ପିରାମିଡ ପରିଦର୍ଶନ କରିଛନ୍ତି । ଏହା ପୂର୍ବରୁ ପ୍ରଧାନମନ୍ତ୍ରୀ ହଜାର ବର୍ଷ ପୁରାତନ ଐତିହାସିକ ଅଲ-ହକିମ ମସଜିଦ ମଧ୍ୟ ପରିଦର୍ଶନ କରିଥିଲେ । ଉତ୍ତର ଇଜିପ୍ଟରେ ଥିବା ଏହି ସପ୍ତାଶ୍ଚର୍ଯ୍ୟ ମଧ୍ୟରୁ ଅନ୍ୟତମ ପିରାମିଡ ପ୍ରାଚୀନ ମିଶରର 4ର୍ଥ ରାଜବଂଶର ରାଜତ୍ବ ସମୟରେ ନିର୍ମାଣ କରାଯାଇଥିଲା । ତତ୍କାଳୀନ ସମ୍ରାଟ ଫାରୋ ଖୁଫୁଙ୍କ ସମାଧି ଭାବରେ ଏହି ବିଶାଳ ପିରାମିଡକୁ ନିର୍ମାଣ କରାଯାଇଥିଲା । ଏହି ପିରାମିଡ ପାଇଁ ଇଜିପ୍ଟ ବିଶ୍ବ ପର୍ଯ୍ୟଟନରେ ଏକ ପ୍ରମୁଖ ସ୍ଥାନ ମଧ୍ୟ ରହିଛି । ପ୍ରତିବର୍ଷ ଏହି ଅନ୍ୟତମ ବିଶ୍ବ ସପ୍ତାଶ୍ଚର୍ଯ୍ୟକୁ ଦେଖିବା ପାଇଁ ବିଶ୍ବର କୋଣ ଅନୁକୋଣରୁ ପର୍ଯ୍ୟଟକ ଇଜିପ୍ଟ ଆସିଥାନ୍ତି ।