Horror Moment: ସୋମାଲିଆ ରାଜଧାନୀରେ ରନୱେରୁ ଖସିଲା ବିମାନ, ହେଲା ଖଣ୍ଡ ଖଣ୍ଡ

ମୋଗାଦିଶୁ (ସୋମାଲିଆ): ଆଫ୍ରିକା ମହାଦେଶର ସୀମାବର୍ତ୍ତୀ ଦେଶ ସୋମାଲିଆ ରାଜଧାନୀ ମୋଗାଦିଶୁରେ ଭୟଙ୍କର ବିମାନ ଦୁର୍ଘଟଣା । ମୋଗାଦିଶୁ ଅନ୍ତର୍ଜାତୀୟ ବିମାନ ବନ୍ଦରରେ ରନୱେରୁ ଖସିଲା ଯାତ୍ରୀବାହି ବିମାନ । ହଠାତ ବିମାନଟି ଦିଗହରା ହୋଇ ରନୱେରୁ ଖସିପଡ଼ିଛି । ଏହି ଦୁର୍ଘଟଣାର କାରଣ ଜଣାପଡ଼ିନଥିବା ବେଳେ ଅନେକ ଯାତ୍ରୀ ଆହତ ହୋଇଛନ୍ତି । ସେପଟେ ଦୁର୍ଘଟଣା ସମୟର ଏକ ଛାତିଥରା ଦୃଶ୍ୟ ସାମ୍ନାକୁ ଆସିଛି । ବିମାନଟି ରନୱେରୁ ଖସିବା ପରେ ଖଣ୍ଡ ବିଖଣ୍ଡିତ ହୋଇଯାଇଛି । ହାଲା ଏୟାରଲାଇନ (Halla Airline)ର ଏହି ବିମାନଟି ଦୁର୍ଘଟଣଗ୍ରସ୍ତ ହୋଇଛି । ଏହି ଦୁର୍ଘଟଣା ଘଟିବା ସମୟରେ ବିମାନ ବନ୍ଦରରେ ମେଘୁଆ ପାଗ ଥିବା କୁହାଯାଉଛି । ବିମାନର କକପିଟ ଅଧିକ କ୍ଷତିଗ୍ରସ୍ତ ହୋଇଥିବା ଭିଡିଓରେ ଦେଖିବାକୁ ମିଳିଛି । ଏହା ଧୀରେ ଧୀରେ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।  ଦେଖନ୍ତୁ ଦୁର୍ଘଟଣା ସମୟର ଛାତିଥରା ଦୃଶ୍ୟ