ଜମୁଛି ପାରାଦ୍ୱୀପ ମହୋତ୍ସବ, ଉପଭୋଗ କରୁଛନ୍ତି ଦର୍ଶକ

ଜଗତସିଂହପୁର: ପାରାଦ୍ବୀପ ର ଜୟଦେବ ସଦନ ଠାରେ ଆରମ୍ଭ ହୋଇଥିବା ପାରାଦ୍ବୀପ ମହୋତ୍ସବରେ ଦୁଲୁକୁଛି ସମଗ୍ର ସହର। ପ୍ରତ୍ୟେକ ଦିନ ହଜାର ହଜାର ଲୋକେ ଏହି ମହୋତ୍ସବକୁ ଉପଭୋଗ କରୁଛନ୍ତି। ଦିନ11 ଟା ରୁ ସମସ୍ତ ଷ୍ଟଲ ଗୁଡିକୁ ଖୋଲି ଦିଆଯାଉଥିବା ବେଳେ ସଞ୍ଜ ନଇଁଲେ ଆରମ୍ଭ ହେଉଛି ମନୋରଞ୍ଜନ କାର୍ଯ୍ୟକ୍ରମ। କୋଭିଡ କଟକଣା ଯୋଗୁଁ ଗତ ଦୁଇବର୍ଷ ହେବ ପାରାଦ୍ବୀପ ମହୋତ୍ସବ ବନ୍ଦ ରହିଥିବା ବେଳେ ଚଳିତ ବର୍ଷ ଏହାକୁ ଆୟୋଜନ କରାଯାଇଛି। ଡିସେମ୍ବର25 ରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମ ଜାନୁଆରୀ ଦୁଇ ତାରିଖ ପର୍ଯ୍ୟନ୍ତ ଚାଲିବ। ଏହି ମହୋତ୍ସବ ରେ ଓଡ଼ିଶାର ପ୍ରତିଷ୍ଠିତ କଳାକାର ଙ୍କ ଦ୍ଵାରା ବିଭିନ୍ନ କାର୍ଯ୍ୟକ୍ରମ ପରିବେଷଣ କରାଯାଉଥିବା ବେଳେ ବିଭିନ୍ନ ଷ୍ଟଲ ରେ ମଧ୍ୟ ଚଟପଟି ଖାଦ୍ୟ ର ପସରା ମେଲିଛି । ଇଟିଭି ଭାରତ, ଜଗତସିଂହପୁର