Padma awardee Quadri to Modi: 'ଆପଣ ମୋତେ ଭୁଲ ପ୍ରମାଣିତ କଲେ'

ନୂଆଦିଲ୍ଲୀ: 'ଆପଣ ମୋତେ ଭୁଲ ପ୍ରମାଣିତ କଲେ' । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏପରି କହିଲେ ଭେଟେରାନ କଳା ଶିଳ୍ପୀ ତଥା ପଦ୍ମ ବିଜେତା ଶାହ ରଶିଦ ଅହମ୍ମଦ କ୍ବାଦ୍ରି । ସେ ବୁଧବାର ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କଠାରୁ ପଦ୍ମ ପୁରସ୍କାର ଗ୍ରହଣ କରିବା ପରେ ମୋଦିଙ୍କୁ ଭେଟିବା ବେଳେ ଏପରି କହିଛନ୍ତି । ଯେତେବେଳେ ସେ ପଦ୍ମ ପୁରସ୍କାର ଗ୍ରହଣ କରିବା ଲାଗି ଧାଡ଼ିରେ ଠିଆ ହୋଇଥିଲେ ସେତେବେଳେ ତାଙ୍କ ନିକଟକୁ ପ୍ରଧାନମନ୍ତ୍ରୀ ଆସି ଭେଟିବା ସହିତ ତାଙ୍କ ସହ ବାର୍ତ୍ତାଳପ କରିଥିଲେ । ଏହି ସମୟରେ ଭାବବିହ୍ବଳ ହୋଇପଡ଼ିଥିଲେ ଏହି ବିଶିଷ୍ଠ ବିଦରି ଶିଳ୍ପୀ । ଏହି ସମୟରେ ସେ ମୋଦିଙ୍କୁ କହିଥିଲେ, " ୟୁପିଏ ସରକାରଙ୍କ ସମୟରେ ମୁଁ ପଦ୍ମ ପୁରସ୍କାର ପାଇଁ ଆଶା ରଖିଥିଲି । ମାତ୍ର ମୋତେ ସେତେବେଳେ ମିଳିନଥିଲା । ଯେତେବେଳେ ଆପଣଙ୍କ ସରକାର ଆସିଲା, ସେତେବେଳେ ମୁଁ ଭାବିଥିଲି ମୋତେ ଆଉ ପଦ୍ମ ମିଳିବ ନାହିଁ । ହେଲେ ଆପଣ ମୋତେ ଭୁଲ ପ୍ରମାଣିତ କଲେ । ଆଉ ମୁଁ ପଦ୍ମ ପୁରସ୍କାର ଗ୍ରହଣ କରିବାକୁ ଯାଉଛି ।" ଏହାପରେ ସେ ପ୍ରଧାନମନ୍ତ୍ରୀଙ୍କୁ ଅଶେଷ ଧନ୍ୟବାଦ ଜଣାଇଛନ୍ତି । କ୍ବାଦ୍ରିଙ୍କଠାରୁ ଏପରି କଥା ଶୁଣିବା ପରେ ତାଙ୍କ ହାତ ଧରି ସ୍ମିତ ହାସ୍ୟ ଦେଇଥିଲେ ମୋଦି । ଏହାପରେ ଅନ୍ୟ ବିଜେତାଙ୍କ ନିକଟକୁ ଯାଇଥିଲେ । ଏହାର ଭିଡିଏ ଏବେ ସୋସିଆଲ ମିଡିଆରେ ଘୁରି ବୁଲୁଛି ।