ମହିମା ଗୋସାଇଁଙ୍କୁ ନବାର୍ଣ୍ଣ ଅର୍ପଣ କଲେ ମହିମା ଧର୍ମୀ

ଅନୁଗୋଳ : ମହିମା ଗୋସାଇଁଙ୍କ ଅଙ୍ଗାରବନ୍ଧ ଧାମରେ ନବାର୍ଣ୍ଣ ଉତ୍ସବ ପାଳିତ ।   ଗୁରୁ ମହିମା ଗୋସାଇଁଙ୍କ ଉଦ୍ଦେଶ୍ୟରେ ନାବାର୍ଣ୍ଣ ଲାଗି କରିଛନ୍ତି ମହିମା ଧର୍ମୀ । ଶହ ଶହ ସଂଖ୍ୟକ ମହିମା ଧର୍ମୀ ଧାମରେ ଏକାଠି ହୋଇ କୃଷକର ପ୍ରଥମ ଶସ୍ୟକୁ ମହିମା ଗୋସାଇଁକୁ ନୈବେଦ୍ୟ ଭାବେ ଅର୍ପଣ କରିଛନ୍ତି   । ନୂତନ ଆଟିକାରେ ନୂଆ ଧାନ ଚୁଡା, କ୍ଷୀର, ଗୁଡ଼, ମହୁ, ଛେନା, ଦହି, ନୀର, ଶ୍ରୀକର୍ପୁର, ନଡ଼ିଆ, କଦଳୀ, ସେଓ, ଅଙ୍ଗୁର, ନାସପାତି, ଆମ୍ବ, କାକୁଡି, ଗୁଜୁରାତି, ଲବଙ୍ଗ, ପାନମଧୁରୀ,ଗୋଲମରିଚ ଆଦି ସାମଗ୍ରୀ ମିଶ୍ରଣ କରି ଭକ୍ତିପୂତ ଭାବରେ ପ୍ରଭୁଙ୍କ ପାଖରେ ସମର୍ପଣ କରାଯାଇଥିଲା । ତତ୍ପରେ ଉପସ୍ଥିତ ସାଧୁ-ଭକ୍ତ ଏକତ୍ରିତ ହୋଇ ନବାର୍ଣ୍ଣ ଭକ୍ଷଣ କରିଥିଲେ l ତେବେ ଏଥିରେ କୋଶଳା, ଭଗଳକଟା, ରାଇଜହରଣ, ବରଗଡ଼, ତାଳଚେର, ବନରପାଳ, ଆଠମଲ୍ଲିକ ଆଦି ଅଞ୍ଚଳର ଶହ ଶହ ଭକ୍ତ ଉପସ୍ଥିତ ରହି ନବାର୍ଣ୍ଣ ଲାଗି କରିଥିଲେ l  

ଇଟିଭି ଭାରତ, ଅନୁଗୋଳ