Opposition Meeting: ସରିଲା ବେଙ୍ଗାଲୁରୁ ମିଟିଂ, ବମ୍ବେରେ ବସିବ ୩ୟ ବୈଠକ

ବେଙ୍ଗାଲୁରୁ: ବିରୋଧୀ ମହାମେଣ୍ଟର ଆଗାମୀ ବୈଠକ ତଥା ତୃତୀୟ ବୈଠକ ମୁମ୍ବାଇରେ ଅନୁଷ୍ଠିତ ହେବ  । ପ୍ରଥମ ବୈଠକ ବିହାର ରାଜଧାନୀ ପାଟନାରେ ହୋଇଥିବା ବେଳେ ଦ୍ବିତୀୟ ବୈଠକ କର୍ଣ୍ଣାଟକ ରାଜଧାନୀ ବେଙ୍ଗାଲୁରୁରେ ବସିଛି  । ଗତକାଲିଠାରୁ ବେଙ୍ଗାଲୁରରେ ବସିଥିବା ବୈଠକର ଆଜି ଶେଷ ଦିନ  । ବୈଠକର ଦ୍ବିତୀୟ ଦିନରେ ବିରୋଧୀ ମହାମେଣ୍ଟ ନିଜ ନାମ ଘୋଷଣା କରିଛି  । ଦଳର ନାମ ରହିଛି 'INDIA'  । ବିରୋଧୀ ମହାମେଣ୍ଟର ସମସ୍ତଙ୍କ ମତ ଅନୁସାରେ ଏହି ନାମ ଘୋଷଣା କରାଯାଇଛି ।  ଏନେଇ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ବୈଠକରେ ଘୋଷଣା କରିଛନ୍ତି  । ଏହି ନାମକୁ ନେଇ ସମସ୍ତେ ଖୁସିବ୍ୟକ୍ତ କରିଥିବା ସେ କହିଛନ୍ତି । ବିରୋଧୀ ମହାମେଣ୍ଟ ବିଜେପିକୁ ଗାଦିଚ୍ୟୁତ କରିବା ଲାଗି ଉଦ୍ୟମ ଜାରି ରଖିଛି ଏବଂ ଏହା ଆଗାମୀ ଦିନରେ ନିଶ୍ଚିତ ସଫଳତା ପାଇବ ବୋଲି ସେ କହିଛନ୍ତି । ପାଟନାରେ କମ ସଂଖ୍ୟକ ବିରୋଧୀ ଦଳ ଯୋଗଦେଇଥିବା ବେଳେ ବେଙ୍ଗାଲୁରୁରେ ୨୬ ଦଳ ଯୋଗଦେଇଥିବା ସୂଚନା ଦେଇଛନ୍ତି ଖଡଗେ ।