ନୂଆବର୍ଷ ୨୦୨୪କୁ ସ୍ବାଗତ କଲା ନ୍ୟୁଜିଲାଣ୍ଡ, ଆତସବାଜିରେ ଝଲସିଲା ଅକଲାଣ୍ଡ

New Year 2024 touches Auckland: ଅକଲାଣ୍ଡ: ବିଦାୟ ନେଇଛି ବର୍ଷ ୨୦୨୩ । ଭାରତରେ ନୂତନ ବର୍ଷ ୨୦୨୪ ଆସିବା ପାଇଁ ଆଉ ଅଳ୍ପ କିଛି ଘଣ୍ଟା ବାକିଥିବା ବେଳେ ନ୍ୟୁଜିଲାଣ୍ଡର ଅକଲାଣ୍ଡ ସହର ନୂତନ ବର୍ଷକୁ ସ୍ବାଗତ କରିବାରେ ପ୍ରଥମ ସହର ହୋଇଛି । ଝିଲମିଲ ଆଲୋକ ମାଳାରେ ଝଲସି ଉଠିଛି ସାରା ସହର । ଆତସବାଜି ସହ ଅକଲାଣ୍ଡରେ ନୂଆବର୍ଷ ୨୦୨୪କୁ ସ୍ବାଗତ କରାଯାଇଛି । ସୂଚନା ଥାଉ କି ପ୍ରତିବର୍ଷ ନ୍ୟୁଜିଲାଣ୍ଡ ହିଁ ନୂତନ ବର୍ଷକୁ ପ୍ରଥମେ ସ୍ବାଗତ କରିଥାଏ । ସେଠାକାର ସମୟ ଭାରତୀୟ ସମୟ ଠାରୁ ପ୍ରାୟ ୭ ଘଣ୍ଟା ୩୦ ମିନିଟ ଆଗୁଆ ଥାଏ । ନୂତନ ବର୍ଷର ଆଗମନରେ ଅକଲାଣ୍ଡ ସହରର ସ୍କାଏ ଟାୱାରର ଦୃଶ୍ୟ ଖୁବ ସୁନ୍ଦର ଓ ରୋମାଞ୍ଚକର ହୋଇଥାଏ । ବେଶ ଉତ୍ସାହର ସହ ନୂଆବର୍ଷକୁ ପାଳନ କରନ୍ତି ନ୍ୟୁଜିଲାଣ୍ଡ ବାସୀ ।