Bharat Mandapam: ବିବିଧତା ମଧ୍ୟରେ ଏକତା, ଝଲସୁଛି ଭାରତ ମଣ୍ଡପମ

ନୂଆଦିଲ୍ଲୀ: ଜି-20 ଶିଖର ସମ୍ମିଳନୀ ପାଇଁ ନୂଆ ରୂପରେ ନୂଆଦିଲ୍ଲୀ ।  ନବବଧୂ ପରି ସଜେଇ ହୋଇଛି ରାଷ୍ଟ୍ରୀୟ ରାଜଧାନୀ । ଚକାଚକ ରାସ୍ତା,  ସୁଦୃଢ ଉନ୍ନତ ଭିତ୍ତିଭୂମି, ସହ  ସ୍ବଚ୍ଛ ସୁନ୍ଦର ପରିବେଶ କରାଯାଇଛି । ନୂଆଦିଲ୍ଲୀ ଅନ୍ତର୍ଜାତୀୟ  ବିମାନ ବନ୍ଦର ଠାରୁ ଆରମ୍ଭ  କରି ଭାରତ ମଣ୍ଡପମ ପୁଣି ରାଷ୍ଟ୍ରପତି ଭବନ ଠାରୁ ସଂସଦ  ଯାଏଁ ସବୁ ସ୍ଥାନକୁ  ନୂଆରୂପ ଦିଆଯାଇଛି । ଯାହାକୁ ନେଇ ଏବେ ନୂଆଦିଲ୍ଲୀ ପୁରା ରଙ୍ଗୀନ ଓ  ଭବ୍ୟ ଭାବେ ଝଲସୁଛି ।  ଆସନ୍ତା 9 ଓ  10 ସେପ୍ଟେମ୍ବରରେ ନୂଆଦିଲ୍ଲୀରେ ଆୟୋଜିତ  ହେବ ଜି-20 ଶିଖର ସମ୍ମିଳନୀ । ସମ୍ମିଳନୀରେ ଭାଗ ନେବାକୁ ଆସୁଛନ୍ତି ଆମେରିକା ରାଷ୍ଟ୍ରପତି ଓ  ଜି-20  ସଦସ୍ୟ ରାଷ୍ଟ୍ରର  ମୁଖ୍ୟ । ଏତତ ବ୍ୟତୀତ 50 ରୁ ଅଧିକ ଦେଶର ବିଭିନ୍ନ ପ୍ରତିନିଧି ମଧ୍ୟ ଭାରତ ଆସୁଛନ୍ତି । ଭାରତ ମଣ୍ଡପମରେ ଆୟୋଜିତ ହେବ ଏହି ବିଶ୍ବସ୍ତରୀୟ ସମିଟ । ଏଥିପାଇଁ ଭାରତ ମଣ୍ଡପମକୁ ପୁରା ଅତ୍ୟାଧୁନିକ ରୂପରେ ସଜାଯାଇଛି । ବଡ କଥା ହେଉଛି ଭାରତ ମଣ୍ଡପମରେ ସମସ୍ତ ବାସ୍ତୁଶାସ୍ତ୍ରର ଛାପ ଦିଆଯିବା ସହିତ, ସମସ୍ତ ଭାରତୀୟ  ଭାଷାରେ ବିଭିନ୍ନ ପ୍ରସଙ୍ଗ ଲେଖାଯାଇଛି । ଦେଖନ୍ତୁ  ରଙ୍ଗୀନ ଆଲୋକରେ କିଭଳି ଝଲସୁଛି ଭାରତ ମଣ୍ଡପମ ।