ମାନବିକତା ଦେଖାଇଲେ ମନ୍ତ୍ରୀ ପ୍ରଫୁଲ୍ଲ ମଲ୍ଲିକ, ଦୁର୍ଘଟଣାଗ୍ରସ୍ତଙ୍କୁ ଡାକ୍ତରଖାନା ପହଞ୍ଚାଇଲେ

ଢେଙ୍କାନାଳ: ମାନବିକତାର ପରିଚୟ ଦେଲେ ମନ୍ତ୍ରୀ । ଦୁର୍ଘଟଣାଗ୍ରସ୍ତ ମହିଳାଙ୍କୁ ନିଜ ଗାଡ଼ିରେ ଡାକ୍ତରଖାନା ପହଞ୍ଚାଇ ରାଜ୍ୟ ଖଣି ମନ୍ତ୍ରୀ ପ୍ରଫୁଲ୍ଲ କୁମାର ମଲ୍ଲିକ ନିଜର ବଡ଼ପଣ ଦେଖାଇଛନ୍ତି । ଖଣି ମନ୍ତ୍ରୀ ତଥା କାମାକ୍ଷାନଗର ବିଧାୟକ ପ୍ରଫୁଲ୍ଲ କୁମାର ମଲ୍ଲିକ ଏକ ସରକାରୀ କାର୍ଯ୍ୟକ୍ରମରେ କାମାକ୍ଷାନଗରରୁ ମାଳପୁରା ଯାଉଥିଲେ । ଯିବା ବାଟରେ କାମାକ୍ଷାନଗର ଥାନା ଜିରିଡ଼ାମାଳି ନିକଟରେ ଦୁଇ ବାଇକ ମଧ୍ୟରେ ଧକ୍କା ହୋଇ ଗୋଟିଏ ବାଇକରେ ଥିବା ମହିଳା ଆହତ ହୋଇଥିଲେ । ଏହାଦେଖି ମନ୍ତ୍ରୀ ତୁରନ୍ତ ଗାଡ଼ିରୁ ଓହ୍ଳାଇ ଆହାତ ମହିଳାଙ୍କୁ ନିଜ ସରକାରୀ ଗାଡ଼ିରେ ସୁରକ୍ଷାକର୍ମୀ ଓ କାମାକ୍ଷାନଗର ବ୍ଳକ ଅଧକ୍ଷଙ୍କ ସହାୟତାରେ ମେଡ଼ିକାଲକୁ ପଠାଇଥିଲେ ମନ୍ତ୍ରୀ ଅନ୍ୟ ଏକ ଗାଡ଼ିରେ କାର୍ଯ୍ୟକ୍ରମ ସ୍ଥଳକୁ ଯାଇଥିଲେ । ଦୁର୍ଘଟଣାରେ ଆହାତ ହୋଇଥିବା ମହିଳା ଜଣଙ୍କ ହେଉଛନ୍ତି ଭୁବନ ଅଞ୍ଚଳର ସୁଭଦ୍ରା ସାହୁ । ତାଙ୍କ ସ୍ବାମୀ ଓ ପୁଅ ସହ ବାଇକ ଯୋଗେ ଅନୁଗୋଳ ଯାଉଥିଲେ l ଜିରିଡାମାଳି ଠାରେ ଏକ ବାଇକ ତାଙ୍କ ପଛପଟୁ ଧକାଦେଇଥିଲା । ମନ୍ତ୍ରୀଙ୍କ ମହତ କାର୍ଯ୍ୟକୁ ନେଇ ସ୍ଥାନୀୟ ବାସିନ୍ଦା ବେଶ ପ୍ରସଂସା କରିଛନ୍ତି । ଆହତମାନଙ୍କୁ ସାହାଯ୍ୟ କରିଥିବାରୁ ସେମାନେ ମଧ୍ୟ ମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି । 

ଇଟିଭି ଭାରତ, ଢେଙ୍କାନାଳ