Har Ghar Tiranga, ସୂକ୍ଷ୍ମ କଳାକୃତିରେ ଶିଳ୍ପୀଙ୍କ ବାର୍ତ୍ତା

ଖୋର୍ଦ୍ଧା: ସବୁବେଳେ ସୂକ୍ଷ୍ମ କଳାକୃତି ତାଙ୍କୁ ସବୁଠି ପ୍ରଶଂସିତ କରିଛି । ଆଜି ଦେଶ ୭୫ତମ ସ୍ବାଧୀନତା ଦିବସ ପୂର୍ତ୍ତି ପାଳୁଥିବା ବେଳେ ଜିଲ୍ଲାର ଜଟଣୀ ହାଟବଜାର ଅଞ୍ଚଳର ସୂକ୍ଷ୍ମ ଶିଳ୍ପୀ ଏଲ ଈଶ୍ବର ରାଓ ଏକ ସୁନ୍ଦର କଳାକୃତି କରିଛନ୍ତି । ୩୦ ମିଲି କାଚ ବୋତଲ ଭିତରେ ୧ ଇଞ୍ଚର ଘର କରି ତା' ଉପରେ ଜାତୀୟ ପତାକା ଉଡାଇଛନ୍ତି । ଏହି ସୂକ୍ଷ୍ମ କଳାକୃତି ପାଇଁ ଶିଳ୍ପୀଙ୍କୁ ୨ଦିନ ସମୟ ଲାଗିଥିବା ବେଳେ ସେ ଦିଆସିଲି କାଠି ଓ କାଗଜ ଖଣ୍ଡ ବ୍ୟବହାର କରିଥିବା କହିଛନ୍ତି । 'ଆଜାଦି କା ଅମୃତ ମହୋତ୍ସବ'ରେ ସମସ୍ତେ ସାମିଲ ହେବାପାଇଁ ଶିଳ୍ପୀ ତାଙ୍କ ସୂକ୍ଷ୍ମ କଳାକୃତି ମାଧ୍ୟମରେ ବାର୍ତ୍ତା ଦେଇଛନ୍ତି । ଇଟିଭି ଭାରତ, ଖୋର୍ଦ୍ଧା