Watch: ଆଜି ଆକାଶେ କି ରଙ୍ଗ ଲାଗିଲା, ଇନ୍ଦ୍ରଧନୁ ଆଙ୍କିଲା ସପ୍ତରଙ୍ଗ

ପୁରୀ: ପୁରୀ ସମୁଦ୍ରରେ ଇନ୍ଦ୍ରଧନୁର ମନମୁଗ୍ଧକର ଦୃଶ୍ୟ । ବାଲୁକା ଚିତ୍ର ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ତାଙ୍କ ମୋବାଇଲ୍ କ୍ୟାମେରାରେ ଏହି ଅପୂର୍ବ ଦୃଶ୍ୟକୁ ଉତ୍ତୋଳନ କରି ସୋସିଆଲ ମିଡ଼ିଆରେ ପୋଷ୍ଟ କରିଛନ୍ତି । ଇନ୍ଦ୍ରଧନୁର ଏହି ସୁନ୍ଦର ଦୃଶ୍ୟକୁ ଲୋକମାନେ ବେଶ୍ ପସନ୍ଦ କରିଛନ୍ତି । ଏହି ଭିଡ଼ିଓଟି ବେଶ୍ ଭାଇରାଲ ହେବାରେ ଲାଗିଛି । ତେବେ ବର୍ଷା ଦିନେ ପ୍ରାୟତଃ ଇନ୍ଦ୍ରଧନୁ ଆକାଶରେ ଦେଖାଦେଇଥାଏ । ସେଥିରେ ଥିବା ୭ଟି ରଙ୍ଗ ଆକାଶକୁ ବେଶ ସଜାଇ ଦେଇଥାଏ । ଇନ୍ଦ୍ରଧନୁ ହେଉଛି ପ୍ରକୃତିର ପ୍ରିଜମ୍ । ଛୋଟ ବୁନ୍ଦା ଜଳ ସ୍ୱଚ୍ଛ ପ୍ରିଜମ୍ ଭାବରେ କାମ କରିଥାଏ । ଯେତେବେଳେ ସୂର୍ଯ୍ୟକିରଣ ଏହି ଛୋଟ ବୁନ୍ଦା ଦେଇ ଗତି କରେ, ସେତେବେଳେ ଏହି ଆଲୋକ ସାତ ରଙ୍ଗରେ ବିଭକ୍ତ ହୋଇ ଆମକୁ ଇନ୍ଦ୍ରଧନୁ ପରି ଦେଖାଯାଏ  ।  

ଇଟିଭି ଭାରତ, ପୁରୀ