Watch: ବାରଣାସୀରେ ମରିସସ ପ୍ରଧାନମନ୍ତ୍ରୀ, ଗଙ୍ଗାରେ ଶ୍ବଶୁରଙ୍କ କଲେ ଅସ୍ଥି ବିସର୍ଜନ

ଲକ୍ଷ୍ନୌ: ବାରଣାସୀରେ ମରିସସ ପ୍ରଧାନମନ୍ତ୍ରୀ ପ୍ରବିନ୍ଦ ଜୁଗନାଥ । ୨ ଦିନିଆ ଭାରତ ଗସ୍ତରେ ଥିବା ମରିସସ ପ୍ରଧାନମନ୍ତ୍ରୀ ଆଜି (ସୋମବାର) ବାରଣାସୀରେ ପହଞ୍ଚିଛନ୍ତି । ସହର ସ୍ଥିତ ନଦେସର ହୋଟେଲରେ ସେ କିଛି ସମୟ ବିଶ୍ରାମ ନେବା ପରେ ପତ୍ନୀ ଓ ସମ୍ପର୍କୀୟଙ୍କ ସହିତ ଦଶ୍ବାଶମେଧ ଘାଟରେ ପହଞ୍ଚିଥିଲେ । ଏଠାରେ ସେ ପ୍ରାୟ ୪୫ ମିନିଟ ପର୍ଯ୍ୟନ୍ତ ବିଧିବଦ୍ଧ ଭାବେ ପୂଜାର୍ଚ୍ଚନା କରିଥିଲେ । ଏହାପରେ ଗଙ୍ଗା ନଦୀରେ ନିଜ ଶ୍ବଶୁରଙ୍କ ଅସ୍ଥି ବିସର୍ଜନ କରିଥିଲେ । ଏହାପରେ ସେ କାଶୀ ବିଶ୍ବନାଥ ମନ୍ଦିରରେ ମଧ୍ୟ ପୂଜାର୍ଚ୍ଚନା କରିଛନ୍ତି । ସନ୍ଧ୍ୟା ସମୟରେ ସେ କାଶୀ ବିଶ୍ବନାଥ ମନ୍ଦିରରେ ପହଞ୍ଚିଥିବା ବେଳେ ଗଙ୍ଗା ଆଳତୀରେ ମଧ୍ୟ ସାମିଲ ହୋଇଥିଲେ । ଏହାପରେ ଆସନ୍ତକାଲି ସେ ଦିଲ୍ଲୀରେ ପହଞ୍ଚିବେ ବୋଲି ଜଣାପଡ଼ିଛି । ସୂଚନା ଥାଉ କି ଗତବର୍ଷ ମଧ୍ୟ ନିଜ ପିତାଙ୍କ ଅସ୍ଥି ବିସର୍ଜନ କରିବା ଲାଗି ମରିସସ ପ୍ରଧାନମନ୍ତ୍ରୀ ବାରଣାସୀ ଆସିଥିଲେ ।  

ବ୍ୟୁରୋ ରିପୋର୍ଟ, ଇଟିଭି ଭାରତ