Delhi: ସିସୋଦିଆଙ୍କୁ କୋର୍ଟରେ ହାଜର ବେଳେ ପୋଲିସର ଦୁର୍ବ୍ୟବହାର !

ନୂଆଦିଲ୍ଲୀ: ଗିରଫ ଦିଲ୍ଲୀ ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କୁ ଆଜି କୋର୍ଟରେ ହାଜର କରିବା ବେଳେ ପୋଲିସ ଉତ୍ତେଜିତ ନଜର ଆସିଛି । ଗଣମାଧ୍ୟମ ଠାରୁ ସିସୋଦିଆଙ୍କୁ ଦୂରେଇ ରଖିବା ପାଇଁ ପୋଲିସ ବଳ ପ୍ରୟୋଗ କରିବା ସହ ସିସୋଦିଆଙ୍କୁ ଭିଡି ନେଇଥିବା ଦେଖିବାକୁ ମିଳିଥିଲା । ଏହି ସମୟରେ ସିସୋଦିଆ, ପ୍ରଧାନମନ୍ତ୍ରୀ ମୋଦି ଅହଙ୍କାରୀ ହୋଇପଡିଥିବା କହିଥିଲେ । ଏହି ଘଟଣାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ମଧ୍ୟ ଉଦବେଗ ପ୍ରକାଶ କରିଛନ୍ତି । ପୋଲିସ ସିସୋଦିଆଙ୍କୁ ଏପରି ଦୁର୍ବ୍ୟବହାର କରିବା ପାଇଁ ଉପରୁ ନିର୍ଦ୍ଦେଶ ପାଇଛି କି ବୋଲି କେଜ୍ରିଓ୍ବାଲ ଟ୍ବିଟରେ ପ୍ରଶ୍ନ କରିଛନ୍ତି ।

ଆଜି କୋର୍ଟ ପରିସରରେ ସିସୋଦିଆଙ୍କୁ ପୋଲିସ ନେଉଥିବା ବେଳେ ଗଣମାଧ୍ୟମ ପ୍ରତିନିଧିମାନେ ପ୍ରଶାସନିକ ନିୟନ୍ତ୍ରଣ ପ୍ରସଙ୍ଗରେ କେନ୍ଦ୍ର ଆଣିଥିବା ଅଧ୍ୟାଦେଶ ସମ୍ପର୍କରେ ସିସୋଦିଆଙ୍କ ପ୍ରତିକ୍ରିୟା ଚାହିଁଥିଲେ । ଏହି ସମୟରେ ପୋଲିସ ଗଣମାଧ୍ୟମ ପ୍ରତିନିଧିଙ୍କୁ ଠେଲା ପେଲା କରିବା ସହ ସିସୋଦିଆଙ୍କୁ ସେଠାରୁ ଭିଡି ନେଇଥିଲେ । ଦେଖନ୍ତୁ ଭିଡିଓ