ହାଇଦ୍ରାବାଦ: ଶିଶୁଙ୍କୁ ତେଲ ମାଲିସ କରିବା ଦ୍ବାରା ସେମାନଙ୍କ ହାଡ଼ଶକ୍ତ ଏବଂ ଶରୀରର ବିକାଶ କରିବାରେ ସାହାଯ୍ୟ କରେ । ନବଜାତ ଶିଶୁଙ୍କ ଯତ୍ନରେ ତେଲ ମାଲିସ ଏକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରେ । ଶିଶୁଙ୍କୁ ତେଲ ମାଲିସ କରାଯାଏ । ଯାହା ତାଙ୍କୁ ସୁସ୍ଥ ଏବଂ ଶକ୍ତିଶାଳୀ କରିଥାଏ । ତେଲ ମାଲିସ ଶରୀରର ଗଠନକୁ ଉନ୍ନତ କରିବାରେ ସାହାଯ୍ୟ କରେ । ନବଜାତ ଶିଶୁଙ୍କ ତେଲ ମାଲିସ କେବଳ ହାଡ଼ ଏବଂ ମାଂସପେଶୀକୁ ମଜବୁତ କରେ ନାହିଁ ବରଂ ଶାରୀରିକ ବିକାଶରେ ମଧ୍ୟ ସାହାଯ୍ୟ କରେ । ତେବେ ବଜାରରେ ଅନେକ ତେଲ ଉପଲବ୍ଧ । ଜାଣିଛନ୍ତି କି ? ଶିଶୁଙ୍କ ପାଇଁ କେଉଁ ତେଲ ଉପାଦେୟ । ଆମେ ଆପଣଙ୍କୁ କିଛି ପାରମ୍ପରିକ ତେଲ ସୁପାରିଶ କରୁଛୁ ।
- ସୋୟାବିନ୍ ତେଲ:
ସୋୟାବିନ୍ ତେଲ ଶିଶୁର ଶରୀରକୁ ଉଷ୍ମତା ପ୍ରଦାନ କରିଥାଏ । ଏହାସହ ହାଡ଼ ଏବଂ ମାଂସପେଶୀକୁ ମଜବୁତ କରେ । ଏହି ତେଲରେ ଆଣ୍ଟି-ବ୍ୟାକ୍ଟେରିଆଲ୍ ଏବଂ ଆଣ୍ଟି-ମାଇକ୍ରୋବାଏଲ୍ ଗୁଣ ମଧ୍ୟ ଅଛି । ଯାହା ଚର୍ମ ସଂକ୍ରମଣକୁ ରୋକିଥାଏ । ଶୀତଦିନେ ଶିଶୁମାନଙ୍କ ପାଇଁ ସୋୟାବିନ୍ ତେଲ ମାଲିସକୁ ଭଲ ବୋଲି ବିବେଚନା କରାଯାଏ ।
- ବାଦାମ ତେଲ
ବାଦାମ ତେଲକୁ ଶିଶୁ ମସାଜ ପାଇଁ ସର୍ବୋତ୍ତମ ତେଲ ଭାବରେ ବିବେଚନା କରାଯାଏ । ଏଥିରେ ଭିଟାମିନ୍-ଇ ରହିଛି । ଯାହା ଚର୍ମ ଏବଂ କେଶ ପାଇଁ ବହୁତ ସ୍ବାସ୍ଥ୍ୟକର । ଏହା ବ୍ୟତୀତ ଏହି ତେଲରେ ମାଲିସ୍ କରିବା ଦ୍ବାରା ପିଲାମାନଙ୍କର କେଶର ବୃଦ୍ଧି ହୁଏ । ସେମାନଙ୍କର ରଙ୍ଗରେ ମଧ୍ୟ ଉଜ୍ଜଳ ହୁଏ । ହାଡ଼କୁ ମଧ୍ୟ ମଜବୁତ କରେ ।
- ଅଲିଭ ତେଲ
ଅଲିଭ ତେଲରେ ଓମେଗା-୩ ଫ୍ୟାଟି ଏସିଡ୍ ଭରପୁର ଥାଏ । ଯାହା ଶିଶୁର ଚର୍ମ କୋଷଗୁଡ଼ିକୁ ନିର୍ମାଣ କରିବାରେ ସାହାଯ୍ୟ କରେ । ଏହି ତେଲ ମାଲିସ୍ ହାଡ଼କୁ ମଜବୁତ କରିବାରେ । ଶିଶୁକୁ ସକ୍ରିୟ, ନରମ ଏବଂ ନମନୀୟ ରଖିବାରେ ସାହାଯ୍ୟ କରେ ।
- ରାଶି ତେଲ
ରାଶି ତେଲ ମାଲିସ କରିବା ଦ୍ବାରା ଶରୀରରେ ରକ୍ତ ସଞ୍ଚାଳନ ବୃଦ୍ଧି ପାଏ । ଯାହା ଶିଶୁକୁ ସକ୍ରିୟ କରିଥାଏ । ମୂଳ ଶକ୍ତି ବୃଦ୍ଧି କରିବା ବ୍ୟତୀତ, ରାଶି ତେଲ ମାଲିସ ନବଜାତ ଶିଶୁଙ୍କ ଚର୍ମ ସଂକ୍ରମଣର ଆଶଙ୍କା ମଧ୍ୟ ହ୍ରାସ କରେ ।
- ନଡ଼ିଆ ତେଲ :
ନଡ଼ିଆ ତେଲରେ ଅନେକ ଔଷଧୀୟ ଗୁଣ ରହିଛି । ମାଂସପେଶୀକୁ ମଜବୁତ କରେ । ଏଥିରେ ବହୁତ ପୁଷ୍ଟିକର ତତ୍ତ୍ବ ଏବଂ କେଶ ବୃଦ୍ଧିରେ ସାହାଯ୍ୟ କରେ ।
