କାର୍ତ୍ତିକ ପୂର୍ଣ୍ଣିମା: ସୂକ୍ଷ୍ମ କାରିଗରୀ, ବୋତଲ ଭିତରେ ଅଢେଇ ଇଞ୍ଚର ବୋଇତ

ରାତି ପାହିଲେ ପବିତ୍ର କାର୍ତ୍ତିକ ପୂର୍ଣ୍ଣିମା । ଓଡ଼ିଆ ସଂସ୍କୃତି ଓ ପରମ୍ପରାରେ କାର୍ତ୍ତିକ ପୂର୍ଣ୍ଣିମାକୁ ବେଶ ଧୁମଧାମରେ ପାଳନ କରିଥାନ୍ତି ଓଡିଶାବାସୀ । ସେହିପରି ରାଜ୍ୟର ସୁକ୍ଷ୍ମଶିଳ୍ପୀ ଭାବେ ପରିଚିତ ଜଟଣୀ ହାଟ ବଜାର ଅଞ୍ଚଳର ଏଲ ଈଶ୍ୱର ରାଓ 750 ମିଲି କାଚ ବୋତଲରେ ସାଢ଼େ ଦୁଇ ଇଞ୍ଚ ଉଚ୍ଚ ଓ ସାଢ଼େ ତିନି ଇଞ୍ଚ ଚଉଡା ବିଶିଷ୍ଟ ସୂକ୍ଷ୍ମ ବୋଇତ ପ୍ରସ୍ତୁତ କରିଛନ୍ତି । ଏହି ବୋଇତରେ ସେ ତୁଳା, କାଚ ବୋତଲ, ପେପର ଖଣ୍ଡ ବ୍ୟବହାର କରିଛନ୍ତି । ଏହି କଳାକୃତି ମାଧ୍ୟମରେ ଶିଳ୍ପୀ ଓଡ଼ିଶା ବାସୀଙ୍କୁ କାର୍ତ୍ତିକ ପୂର୍ଣ୍ଣିମାର ଶୁଭେଚ୍ଛା ଜଣାଇବା ସହ ନଦୀ ଓ ପୁଷ୍କରିଣୀରେ ସୁରକ୍ଷିତ ଭାବେ ବୋଇତ ବନ୍ଦାଣ କରିବାକୁ ନିବେଦନ କରିଛନ୍ତି ।