କେନ୍ଦ୍ରମନ୍ତ୍ରୀଙ୍କୁ ଛେଳି ଉପହାର: ସାଇତି ରଖିବି କହିଲେ ଜୋତିରାଦିତ୍ୟ ସିନ୍ଧିଆ

ଭୋପାଳ: କେନ୍ଦ୍ରମନ୍ତ୍ରୀ ଜୋତିରାଦିତ୍ୟ ସିନ୍ଧିଆଙ୍କୁ ଛେଳି ଉପହାର । ମଧ୍ୟପ୍ରଦେଶ ସ୍ଥିତ ଗ୍ୱାଲିୟରରେ ଏକ କାର୍ଯ୍ୟକ୍ରମରେ ଯୋଗ ଦେଇଥିବାବେଳେ ଏଭଳି ଅଜବ ଘଟଣା ଦେଖିବାକୁ ମିଳିଛି । କେନ୍ଦ୍ର ନଗର ଉନ୍ନୟନ ମନ୍ତ୍ରୀ ଜୋତିରାଦିତ୍ୟ ସିନ୍ଧିଆ ଗ୍ବାଲିୟରରେ ଆୟୋଜିତ ଖଟିକ ସମାଜର ଏକ ସମ୍ମିଳନୀରେ ସାମିଲ ହୋଇଥିଲେ ।

କାର୍ଯ୍ୟକ୍ରମରେ ତାଙ୍କୁ ଜୋରଦାର ସ୍ବାଗତ ସମ୍ବର୍ଦ୍ଧନା ଦିଆଯାଇଥିଲା । ଏହାରି ଭିତରେ ତାଙ୍କୁ ଖଟିକ ସମାଜର କିଛି ବ୍ୟକ୍ତି କଳା ରଙ୍ଗର ଏକ ଜୀବନ୍ତ ଛେଳି ଉପହାର ସ୍ବରୂପ ଦେଇଥିଲେ । ଯାହାକୁ ଦେଖିବା ପରେ ସିନ୍ଧିଆ ଆଶ୍ଚର୍ଯ୍ୟ ହୋଇଯାଇଥିଲେ ମଧ୍ୟ ଉପହାରକୁ ଗ୍ରହଣ କରିଥିଲେ । "ମିଳିଥିବା ଏହି ଉପହାରକୁ ସାଇତି ରଖିବି" ବୋଲି ପ୍ରକାଶ କରିଛନ୍ତି କେନ୍ଦ୍ରମନ୍ତ୍ରୀ ଜୋତିରାଦିତ୍ୟ ସିନ୍ଧିଆ । 

କେନ୍ଦ୍ରମନ୍ତ୍ରୀ ଜୋତିରାଦିତ୍ୟ ଏଥିରେ ତିଳେ ମାତ୍ର ସଙ୍କୋଚ ନକରି ଦିଆଯାଇଥିବା ଉପହାରକୁ ସମ୍ମାନର ସହ ଗ୍ରହଣ କରିଛନ୍ତି । କାର୍ଯ୍ୟକ୍ରମ ଶେଷରେ ଏହି ସମାଜର ପ୍ରତିଭାବାନ ବ୍ୟକ୍ତି ସମ୍ମାନିତ ମଧ୍ୟ କରାଯାଇଥିବା ଦେଖିବାକୁ ମିଳିଛି । ଅନ୍ୟପଟେ କେନ୍ଦ୍ରମନ୍ତ୍ରୀ ଜୋତିରାଦିତ୍ୟ ସିନ୍ଧିଆଙ୍କୁ ଦିଆଯାଇଥିବା ଏହି ନିଆରା ଉପହାରକୁ ନେଇ ଚର୍ଚ୍ଚା ଜୋର ଧରିଛି ।