ହାଇଦ୍ରାବାଦ: 'ଗଲି ବୟ' ବଲିଉଡର ଶ୍ରେଷ୍ଠ ଫିଲ୍ମ ମଧ୍ୟରୁ ଗୋଟିଏ। ଜୋୟା ଅଖତରଙ୍କ ନିର୍ଦ୍ଦେଶିତ ଏହି ଫିଲ୍ମରେ ରଣବୀର ସିଂ ଏବଂ ଆଲିଆ ଭଟ୍ଟ ଅଭିନୀତ ଏବଂ ୨୦୧୯ରେ ମୁକ୍ତିଲାଭ କରିଥିଲା ଏବଂ ଲୋକମାନେ ଏହାକୁ ବହୁତ ପସନ୍ଦ କରିଥିଲେ, ଏବେ ଏହାର ସିକ୍ୱେଲ ଉପରେ ଆଲୋଚନା ଜୋର ଧରିଛି । ଯଦିଓ ଏହାର କୌଣସି ସରକାରୀ ନିଶ୍ଚିତକରଣ ହୋଇନାହିଁ, ତଥାପି ଏହାର କାଷ୍ଟିଂ ପାଇଁ ଅଭିନେତାମାନଙ୍କ ସହିତ ଆଲୋଚନା ଚାଲିଥିବା ଜଣାପଡ଼ିଛି। ମଜାଦାର କଥା ହେଉଛି ଏଥିରେ ରଣବୀର ଏବଂ ଆଲିଆଙ୍କୁ ଦେଖିବାକୁ ମିଳିବ ନାହିଁ କିନ୍ତୁ ରିପୋର୍ଟ ଅନୁସାରେ ଏଥିପାଇଁ ଏକ ନୂତନ ଫ୍ରେସ୍ ଯୋଡ଼ିକୁ ଯୋଗାଯୋଗ କରାଯାଉଛି ।
'ଗଲି ବୟ' ସିକ୍ୱେଲରେ କିଏ ହେବେ ନୂଆ ଯୋଡ଼ି
ରିପୋର୍ଟ ଅନୁସାରେ, ଫିଲ୍ମ ନିର୍ମାତାମାନେ 'ଗଲି ବୟ'ର ସିକ୍ୱେଲରେ ଅଭିନୟ କରିବା ପାଇଁ ବିକି କୌଶଲ ଏବଂ ଅନନ୍ୟା ପାଣ୍ଡେଙ୍କ ସହ ଆଲୋଚନା କରୁଛନ୍ତି। ଯଦି ଏପରି ହୁଏ ତେବେ ବିକି ଏବଂ ଅନନ୍ୟା ପାଣ୍ଡେ ଗଲି ବୟର ସିକ୍ୱେଲରେ ଏକ ନୂଆ ଯୋଡ଼ି ଭାବରେ ନଜର ଆସିବେ। ଜଣାପଡୁଛି ଯେ, ଏହି ପ୍ରକଳ୍ପ ପାଇଁ ଜଣେ ନିର୍ଦ୍ଦେଶକଙ୍କୁ ମଧ୍ୟ ଚୂଡ଼ାନ୍ତ କରାଯାଇଛି। ଟାଇଗର, ବେବି ଫିଲ୍ମସ ଏବଂ ଏକ୍ସେଲ ଏଣ୍ଟରଟେନମେଣ୍ଟର 'ଖୋ ଗୟେ ହମ କହାଁ' ନିର୍ଦ୍ଦେଶକ ଅର୍ଜୁନ ଭରୈନ ସିଂହ ଗଲି ବୟର ସିକ୍ୱେଲର ନିର୍ଦ୍ଦେଶନା ଦେବାକୁ ପ୍ରସ୍ତୁତ । କହିରଖୁଛୁ କି, ଅନନ୍ୟା ପାଣ୍ଡେ 'କହୋ ଗୟେ ହମ୍ କହାଁ'ରେ ଅର୍ଜୁନଙ୍କ ସହ କାମ କରିଛନ୍ତି, ଏବଂ ଚଳଚ୍ଚିତ୍ର ନିର୍ମାତା ବିଶ୍ୱାସ କରନ୍ତି ଯେ ସେ ଏଥିପାଇଁ ଉପଯୁକ୍ତ ପସନ୍ଦ । ରିପୋର୍ଟରେ କୁହାଯାଇଛି ଯେ ବିକି ଏହି ପ୍ରୋଜେକ୍ଟ ସହିତ ବହୁତ ଦିନ ଧରି ଜଡିତ ଅଛନ୍ତି। ଯଦିଓ ଫିଲ୍ମ ବିଷୟରେ ଅଧିକ ସୂଚନା ପ୍ରକାଶ କରାଯାଇ ନାହିଁ, ତଥାପି କାଷ୍ଟିଂ କାମ ଆରମ୍ଭ ହୋଇଛି।
ଏହା ମଧ୍ୟ ପଢନ୍ତୁ: ବିକି କୌଶଲଙ୍କ ନୂଆ ଫିଲ୍ମ ଘୋଷଣା; ଭଗବାନ ପର୍ଶୁରାମ ବନିବେ ଅଭିନେତା
'ଗଲି ବୟ' ବହୁତ ପ୍ରଶଂସା ସାଉଁଟିଛି
'ଗଲି ବୟ' (୨୦୧୯) ଏକ ସଂଗୀତିକ ନାଟକ ଯେଉଁଥିରେ ରଣବୀର ସିଂ ଓରଫ ଷ୍ଟ୍ରିଟ୍ ରାପର୍ ମୁରାଦ, ଆଲିଆ ଭଟ୍ଟ ଓରଫ ସଫିନା ଏବଂ ସିଦ୍ଧାନ୍ତ ଚତୁର୍ବେଦୀ ଓରଫ ଏମସି ଶେର ଭୂମିକାରେ ଅଭିନୟ କରିଛନ୍ତି । ଏମାନଙ୍କ ବ୍ୟତୀତ ବିଜୟ ରାଜ, ବିଜୟ ବର୍ମା, ଅମ୍ରିତା ସୁଭାଷ, କଳକି କୋଚଲିନ୍ ମଧ୍ୟ ଫିଲ୍ମରେ ବିଶେଷ ଭୂମିକାରେ ଅଭିନୟ କରିଛନ୍ତି । ଏହି ଚଳଚ୍ଚିତ୍ରଟି ବର୍ଲିନ୍ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ପ୍ରିମିୟର ହୋଇଥିଲା । ଫିଲ୍ମର କାହାଣୀଠାରୁ ଆରମ୍ଭ କରି ସଙ୍ଗୀତ ଏବଂ ଅଭିନେତାଙ୍କ ଅଭିନୟ ପର୍ଯ୍ୟନ୍ତ, ସବୁକିଛି ଦର୍ଶକଙ୍କ ହୃଦୟ ଜିତିଥିଲା । ଏହି ଚଳଚ୍ଚିତ୍ରଟି ଭାରତରୁ ମଧ୍ୟ ଆନୁଷ୍ଠାନିକ ଭାବରେ ଓସ୍କାରରେ ମଧ୍ୟ ଏଣ୍ଟ୍ରି କରିଥିଲା । ଏହି ଚଳଚ୍ଚିତ୍ରଟି ଜାତୀୟ ସ୍ତରରେ ମୁମ୍ବାଇ ହିପ୍-ହପ୍ ସ୍ୱୀକୃତି ଦେଇଥିଲା । ଯେଉଁଥିରେ ପ୍ରକୃତ ରାପ୍ ଏବଂ ସଂଗୀତ ଦିଆଯାଇଥିଲା । ଜୋୟା ଅଖତରଙ୍କ ନିର୍ଦ୍ଦେଶିତ, ଏହା ଧନୀ ପରିବାର ଉପରେ ଧ୍ୟାନ ନ ଦେଇ ମୁମ୍ବାଇର ଧାରାଭି ଉପରେ ଆଧାରିତ ।
ବ୍ୟୁରୋ ରିପୋର୍ଟ, ଇଟିଭି ଭାରତ
