Horrific Explosion: ମାଟି ତଳେ ହେଲା ବିସ୍ଫୋରଣ, ରାସ୍ତା ଉପରେ ଉଠିଲା ପଡ଼ିଲା ଗାଡ଼ିମଟର

ଜୋହାନ୍ସବର୍ଗ: ଦକ୍ଷିଣ ଆଫ୍ରିକା ଜୋହାନ୍ସବର୍ଗରୁ ଏକ ଭୟଙ୍କର ଦୃଶ୍ୟ ସାମ୍ନାକୁ ଆସିଛି । ଯେଉଁଠି ବିସ୍ଫୋରଣ ଘଟିବା ପରେ ଉଠିଲା ପଡ଼ିଲା ଗାଡ଼ି ମଟର । ତେବେ ଗ୍ୟାସ ଲିକ ଯୋଗୁଁ ଅଣ୍ଡରଗ୍ରାଉଣ୍ଡରେ ବିସ୍ଫୋରଣ ଯୋଗୁଁ ରାସ୍ତା ଫାଟିବା ସହ ଏହା ଉପରେ ରଖାଯାଇଥିବା ଗାଡି ମଟର ମଧ୍ୟ ପବନରେ ଉଠି ପୁଣି ତଳେ ପଡିଗଲା । ଜୋରରେ ଶବ୍ଦ ହେବା ସହିତ ସେଠାରେ ଉପସ୍ଥିତ ଥିବା ଲୋକେ ଭୟଭୀତ ହୋଇପଡିଥିବା ଦେଖିବାକୁ ମିଳିଥିଲେ । ଏହାପରେ ସଙ୍ଗେ ସଙ୍ଗେ ଏଣେତେଣେ ଦୌଡ଼ିବାକୁ ଆରମ୍ଭ କରିଥିଲେ । ଏହି ବିସ୍ଫୋରଣରେ ଜଣକ ମୃତ୍ୟୁ ଘଟିଥିବା ବେଳେ ପ୍ରାୟ ୪୦ ଜଣ ଆହତ ହୋଇଛନ୍ତି । ପ୍ରାଥମିକ ସୂଚନା ଅନୁସାରେ ମାଟି ତଳେ ଯାଇଥିବା ଗ୍ୟାସ ପାଇପ ଫାଟିବାରୁ ଅଘଟଣ ଘଟିଛି ବୋଲି କୁହାଯାଉଛି । ହେଲେ ବିଧିବଦ୍ଧ ଭାବେ ସରକାର ସୂକତ୍ରୁ ଏ ନେଇ ସ୍ପଷ୍ଟ ସୂଚନା ଦିଆଯାଇନାହିଁ । ତେବେ ବିସ୍ଫୋରଣ ସମୟର ଛାତିଥରା ଦୃଶ୍ୟ ସିସିଟିଭି କ୍ୟାମେରାରେ କଏଦ ହୋଇଛି । ଦେଖନ୍ତୁ ଦୃଶ୍ୟ