ଭାରତ ଯୋଡୋକୁ ବର୍ଷେ, ପଦଯାତ୍ରା କରି ପ୍ରେମର ସନ୍ଦେଶ ଦେଲା ଝାରସୁଗୁଡା କଂଗ୍ରେସ

ଝାରସୁଗୁଡା: ଭାରତ ଯୋଡ ଯାତ୍ରାକୁ 1 ବର୍ଷ ପୂରଣ ହୋଇଇଛି । ଏହି ଅବସରରେ ଝାରସୁଗୁଡ଼ା ଜିଲ୍ଲା କଂଗ୍ରେସ ଦଳ ପକ୍ଷରୁ ଏକ ପଦଯାତ୍ରା ହୋଇଛି । ଜିଲ୍ଲା ଖଣ୍ଡା ଛକରୁ ପଦଯାତ୍ରା ବାହାରି ପୁରୁଣା ବସ ଟର୍ମିନାଲ ପର୍ଯ୍ୟନ୍ତ ହୋଇଥିଲା । ଏଥିରେ ଜିଲ୍ଲା କଂଗ୍ରେସ ସଭାପତି ସୀତାରାମ୍ ଦାସ ସହିତ ଅନ୍ୟ କାର୍ଯ୍ୟକର୍ତ୍ତା ମାନେ ଯୋଗ ଦେଇଥିଲେ । ଝାରସୁଗୁଡ଼ା ଜିଲ୍ଲା ସଭାପତି କହିଛନ୍ତି ଯେ,'' ଆଗକୁ ଦଳକୁ ମଜବୁତ୍ କରିବା ସହ ଲୋକଙ୍କ ସମସ୍ୟା ବୁଝିବା ସହ ତାର ସମାଧାନ ପାଇଁ ସଠିକ୍ ପଦକ୍ଷେପ ମାନ ଗ୍ରହଣ କରିବେ । ଦରଦାମ ନିୟନ୍ତ୍ରଣ, ଗରିବ ଲୋକଙ୍କ ମୌଳିକ ସୁବିଧା, ଝାରସୁଗୁଡ଼ାରେ ଚାଲିଥିବା ଭ୍ରଷ୍ଟାଚାର ଓ ଚାଷୀଙ୍କ ହକ ପାଇଁ ଲଢ଼ିବୁ । ଏକଜୁଟ ହେବାର ସମୟ ଆସିଛି । ଆମ ନେତା ରାହୁଲ ଗାନ୍ଧୀ ଯେଉଁ ସନ୍ଦେଶ ଦେଇଥିଲେ ଦେଶରେ ପ୍ରେମର ଦରକାର ଅଛି । ଆମେ ଆଜି ଝାରସୁଗୁଡାବାସୀଙ୍କୁ ଏହା ଜଣାଇବାକୁ ଚାହୁଁଛୁ । ଦେଶରେ ଧର୍ମକୁ ନେଇ ଯେଉଁ ବିଭାଜନ ରାଜନୀତି ଚାଲିଛି ଏହାକୁ କିପରି ଖତମ କରି ପ୍ରେମର ଦୋକାନ ଖୋଲିବୁ ତାହା କହିବାକୁ ଚାହୁଁଛି ।'

' 

ଇଟିଭି ଭାରତ, ଝାରସୁଗୁଡା