ISRO Scientists Celebration: ଯେବେ କଠିନ ପରିଶ୍ରମ ପରେ ମିଳେ ସଫଳତା...

ବେଙ୍ଗାଲୁର: ସାର୍ଥକ ହୋଇଛି ଇସ୍ରୋ ବୈଜ୍ଞାନିକଙ୍କ ପରିଶ୍ରମ । କାମରେ ଆସିଛି ଭାରତ ସରକାରଙ୍କ ସମର୍ଥନ । ଫଳପ୍ରଦ ହୋଇଛି ଦେଶବାସୀଙ୍କ ପ୍ରାର୍ଥନା ଆରଧନା ।  ଅପେକ୍ଷାର ହୋଇଛି ଅନ୍ତ । ଶେଷରେ ଚନ୍ଦ୍ରକୁ ଜୟ କରିଛି ଭାରତ । ଚନ୍ଦ୍ରର ଦକ୍ଷିଣ ମେରୁରେ ଅବତରଣ କରିଛି ଲ୍ୟାଣ୍ଡର ବିକ୍ରମ । ଚନ୍ଦ୍ର ପୃଷ୍ଠରୁ ଆସିଛି ବାର୍ତ୍ତା ।  ଜହ୍ନ ରାଇଜରେ ଉଡୁଛି ତ୍ରିରଙ୍ଗା । ଯାହାକୁ ନେଇ ଇସ୍ରୋର ମୁଖ୍ୟାଳୟ ଠାରୁ ଆରମ୍ଭ କରି ଦେଶବ୍ୟାପୀ ଉତ୍ସବର ମାହୋଲ । ଲ୍ୟାଣ୍ଡର ବିକ୍ରମର ଲ୍ୟାଣ୍ଡିଂ ପରେ ଆତ୍ମବିଭୋର ଇସ୍ରୋ ମୁଖ୍ୟଙ୍କ ଠାରୁ ଆରମ୍ଭ କରି ସମସ୍ତ ବୈଜ୍ଞାନିକ ଗଣ । ପ୍ରଧାନମନ୍ତ୍ରୀଙ୍କ ସମ୍ବୋଧନ ପରେ ପରେ ଇସ୍ରୋ କମାଣ ସେଣ୍ଟରରେ ଉତ୍ସବ ମନାଇଛନ୍ତି ଇସ୍ରୋ ମୁଖ୍ୟ ଏସ ସୋମନାଥଙ୍କ ସମେତ ସମସ୍ତ ବୈଜ୍ଞାନିକ, କର୍ମଚାରୀ, ଅଧିକାରୀ ଓ ସାଧାରଣ ଜନତା । ଯାହାର ଝଲକ ଆପଣ ମଧ୍ୟ ଦେଖନ୍ତୁ ।