Watch: ଇସ୍ରୋ ମୁଖ୍ୟଙ୍କୁ ଇଣ୍ଡିଗୋ ବିମାନ କର୍ମଚାରୀଙ୍କ ଭବ୍ୟ ସ୍ବାଗତ, କହିଲେ ଆପଣଙ୍କ ପାଇଁ ଆମେ ବହୁତ ଗର୍ବିତ

ଇସ୍ରୋ ମୁଖ୍ୟ ଏସ ସୋମନାଥଙ୍କୁ ଇଣ୍ଡିଗୋ ବିମାନ କର୍ମଚାରୀଙ୍କ ଭବ୍ୟ ସ୍ବାଗତ । ନିକଟରେ ଇସ୍ରୋ ମୁଖ୍ୟ ଇଣ୍ଡିଗୋ ବିମାନର ଯାତ୍ରା କରୁଥିବା ସମୟରେ ତାଙ୍କୁ ବିମାନ କର୍ମଚାରୀଙ୍କ ପକ୍ଷରୁ ସ୍ବାଗତ କରାଯାଇଛି । ଏନେଇ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଗତ ୨୩ ତାରିଖରେ ଭାରତ ପ୍ରଥମ ରାଷ୍ଟ୍ର ଭାବେ ଚନ୍ଦ୍ରର ଦକ୍ଷିଣ ମେରୁରେ ଚନ୍ଦ୍ରଯାନ-୩ ସଫଳ ଅବତରଣ କରିଛି । କୋଟି କୋଟି ଭାରତବାସୀଙ୍କୁ ଗର୍ବିତ କରିଥିବାରୁ ବିମାନ କର୍ମଚାରୀ ପୁଜା ଶାହ ଇସ୍ରୋ ମୁଖ୍ୟଙ୍କୁ କୃତଜ୍ଞତା ଜଣାଇଛନ୍ତି । ଏ ନେଇ ପୁଜା କହିଥିଲେ, "ଇସ୍ରୋ ମୁଖ୍ୟ ଏସ ସୋମନାଥ ଆଜି ଆମ ସହିତ ଯାତ୍ରା କରୁଛନ୍ତି । ସୋମନାଥ ଓ ତାଙ୍କ ଟିମ ଲାଗି ସମସ୍ତେ କରତାଳି ଦିଅନ୍ତୁ । ଆପଣଙ୍କୁ ବିମାନରେ ପାଇ ଆମେ ବହୁତ ଗର୍ବିତ । ଭାରତବାସୀଙ୍କୁ ଗର୍ବିତ କରିଥିବାରୁ ଆପଣଙ୍କୁ ବହୁତ ବହୁତ ଧନ୍ୟବାଦ ।" ଏହି ଭିଡିଓକୁ ଏୟାର ହୋଷ୍ଟେସ ପୁଜା ନିଜ ଇନଷ୍ଟାଗ୍ରାମ ଆକାଉଣ୍ଟରେ ମଧ୍ୟ ସେୟାର କରିଛନ୍ତି । ଏହି ଭିଡିଓକୁ ୟୁଜର୍ସ ବେଶ ପସନ୍ଦ କରିଥିବା ଦେଖିବାକୁ ମିଳିଛି ।