ଭୁବନେଶ୍ୱର: ସରିଛି ୧୮ତମ ପ୍ରବାସୀ ଭାରତୀୟ ଦିବସ ସମ୍ମିଳନୀ । ଜାନୁଆରୀ ୮ ତାରିଖରୁ ଆରମ୍ଭ ହୋଇଥିବା ଏହି ତ୍ରିଦିବସୀୟ ସର୍ବଭାରତୀୟ କାର୍ଯ୍ୟକ୍ରମର ଆଜି ଅନ୍ତିମ ଦିନ ଅର୍ଥାତ୍ ଉଦଯାପନୀ ଦିବସ ରହିଥିଲା । ଏହି ସମ୍ମିଳନୀରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ର ଶିକ୍ଷା ମନ୍ତ୍ରୀ, କେନ୍ଦ୍ର ବୈଦେଶିକ ବ୍ୟାପାର ମନ୍ତ୍ରୀ, କେନ୍ଦ୍ର ଜନଜାତି ମନ୍ତ୍ରୀଙ୍କ ସମେତ ୭ହଜାରରୁ ଊର୍ଦ୍ଧ୍ୱ ପ୍ରବାସୀ ଭାରତୀୟ ସାମିଲ ଦେଇଥିଲେ । ଏହି ସମ୍ମିଳନୀରେ ଅନେକ କାର୍ଯ୍ୟକ୍ରମମାନ ଆୟୋଜନ କରାଯାଇଥିଲା । ଓଡ଼ିଶା କଳା, ଐତିହ୍ୟ ତଥା ହସ୍ତକଳାକୁ ନେଇ ବିଭିନ୍ନ ଷ୍ଟଲ କରାଯାଇଥିଲା ।
ଷ୍ଟଲ ବୁଲି ଦେଖିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ:
କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରବାସୀ ଭାରତୀୟ ଦିବସରେ ଯୋଗ ଦେବା ସହ ଷ୍ଟଲଗୁଡିକ ବୁଲି ଦେଖିବା ସହ ସମ୍ବନ୍ଧୀୟ ଅନେକଗୁଡିକ ପ୍ରଶ୍ନ କରିଥିଲେ । ଏହି ଅବସରରେ ସେ କହିଛନ୍ତି, " ଖୁବ ସୁନ୍ଦର ପ୍ରଦର୍ଶନୀ ଦେଖିବାର ସୁଯୋଗ ମିଳିଲା । ଏଠିକାର ହସ୍ତତନ୍ତ, ହାତ ତିଆରି ଉପକରଣ, ଅନ୍ୟାନ୍ୟ ଉପକରଣ ବିଷୟରେ ଦେଖିବାକୁ ମିଳିଲା । ଓଡିଶାର କଳା ଓ ସଂସ୍କୃତି, ଓଷା, ମହାପ୍ରଭୁ ଜଗନ୍ନାଥ, ବାଲୁକା କଳା ଏସବୁ ଏକାଠି ଗୋଟିଏ ବାସ୍କେଟରେ ଦେଖାଇବାର ଓଡିଶାର ପ୍ରୟାସ ବହୁତ ପ୍ରଶଂସନୀୟ । ଏହାସହ ଭାରତର ଅନ୍ୟ ରାଜ୍ୟ ଗୁଡ଼ିକର କଳା ଓ ସଂସ୍କୃତି କେନ୍ଦ୍ର ସରକାରଙ୍କ ଦ୍ଵାରା ସ୍ଥାନିତ ହୋଇଅଛି । ଏହା ଭାରତ ଓ ଓଡ଼ିଶାର ମହାନ୍ ପରମ୍ପରାକୁ ଦର୍ଶାଉଛି । ଏଠାରେ ଏକ ମ୍ୟାପ୍ ରହିଛି ଯେଉଁଥିରେ ନୌବାଣିଜ୍ୟ ବେଳେ କିଭଳି ଉତ୍ତରା ପବନରେ ଯାତ୍ରା କରୁଥିଲେ ତାହା ଦର୍ଶାଯାଇଛି । ତାହା ଖୁବ୍ ପ୍ରଭାବିତ କରିଛି ।"
ପ୍ରଦର୍ଶନୀ ୨ରୁ ୩ ଦିନ ବଢାଇବା ପାଇଁ ଅନୁରୋଧ କଲେ କେନ୍ଦ୍ରମନ୍ତ୍ରୀ:
ଏଭଳି ଆୟୋଜନ ନେଇ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ଧନ୍ୟବାଦ ଦେଇଛନ୍ତି ଧର୍ମେନ୍ଦ୍ର ପ୍ରଧାନ । ଆଉମଧ୍ୟ ଷ୍ଚଲରୁ ଏକ ହାତ ତିଆରି ଜ୍ୟାକେଟ କିଣିଥିଲେ କେନ୍ଦ୍ରମନ୍ତ୍ରୀ । ଆଉମଧ୍ୟ ରାଜ୍ୟ ସରକାରଙ୍କୁ ଧର୍ମେନ୍ଦ୍ର ଅନୁରୋଧ କରିଛନ୍ତି ଏହି ପ୍ରଦର୍ଶନୀ ଆଉ ଦୁଇ ତିନି ଦିନ ସେହିଠାରେ ରଖିବାକୁ ରାଜ୍ୟ ସରକାରଙ୍କୁ ଅନୁରୋଧ କରିଛନ୍ତି ଧର୍ମେନ୍ଦ୍ର ପ୍ରଧାନ । ଯାହା ଫଳରେ ଓଡ଼ିଶାର କଳା ସଂସ୍କୃତିର ଝଲକ ସମସ୍ତେ ଦେଖିପାରିବେ ।
ଇଟିଭି ଭାରତ, ଭୁବନେଶ୍ୱର
