ଭାରତ ପାକିସ୍ତାନ ଲଢେଇ, ଉଭୟ ଦଳକୁ ଶୁଭେଚ୍ଛା ଦେଲେ ନବୀନ ଜିନ୍ଦଲ

କଟକ/ବ୍ରହ୍ମପୁର: ମୋଟେରା ଗ୍ରାଉଣ୍ଡରେ ଚାଲିଛି ହାଇଭୋଲଟେଜ ମ୍ୟାଚ । ମୁହାଁମୁହିଁ ହୋଇଛନ୍ତି ଭାରତ ଓ ପାକିସ୍ତାନ । ଏହି ବଡ଼ ମ୍ୟାଚକୁ ନେଇ ଉଭୟ ଦଳକୁ ଶୁଭେଚ୍ଛା ଜଣାଇଛନ୍ତି ଜିନ୍ଦଲ ଗ୍ରୁପର ମୁଖ୍ୟ ନବୀନ ଜିନ୍ଦଲ । ସେ ତାଙ୍କ ପ୍ରତିକ୍ରିୟାରେ କହିଛନ୍ତି ଯେ, ଦୁଇ ଦେଶର ଲଢେଇକୁ ସାରା ବିଶ୍ୱ ଚାହିଁ ରହିଛି । ମୁଁ ମଧ୍ୟ ବେଶ ଉତ୍ସାହିତ । ତେବେ ଉଭୟ ଦଳ ପାଇଁ ମୋର ଶୁଭେଚ୍ଛା ରହିବ । କାହିଁକି ନାଁ କ୍ରିକେଟରେ ଉଭୟ ଦଳ ପରସ୍ପରକୁ ବେଶ ସମ୍ମାନ କରନ୍ତି । ଯଦି ଭାରତୀୟ ଦଳ ଭଲ ଖେଳେ ସେଠାରେ ପାକିସ୍ତାନ ଭାରତକୁ ବେଶ ସାରା ଶୁଭେଚ୍ଛା ଦିଏ । ସେହିପରି ଭାରତ ପାକିସ୍ତାନ ପାଇଁ ମଧ୍ୟ ସମାନ ଢ଼ଙ୍ଗରେ କାର୍ଯ୍ୟ କରିଥାଏ । ଆଜିର ମଧ୍ୟ ବେଶ ଚିତାକର୍ଷକ ହେବ ବୋଲି କହିଛନ୍ତି ଜିନ୍ଦଲ ମୁଖ୍ୟ ନବୀନ ଜିନ୍ଦଲ । 

ଅନ୍ୟପଟେ ବ୍ରହ୍ମପୁର ସହରର କ୍ରିକେଟ୍ ପ୍ରେମୀ ମଧ୍ୟ ଆଜିର ମ୍ୟାଚ ପାଇଁ ଇଣ୍ଡିଆ ଟିମକୁ ଚିଅର୍ ଅଫ୍ କରିଛନ୍ତି । ଏଥି ସହିତ ଭାରତ ବିଶ୍ବକପ ଇତିହାସର ଅଷ୍ଟମ ମ୍ୟାଚ ଖେଳି ରେକର୍ଡ ବଜାୟୀ ରଖିବ ବୋଲି କ୍ରୀଡାପ୍ରେମୀ ମତ ରଖିଛନ୍ତି । ସେପଟେ ଏହି ରେକର୍ଡ ଭାଙ୍ଗିବାକୁ ଜୋରଦାର ପ୍ରୟାସ କରିବ ପାକିସ୍ତାନ । ଇଣ୍ଡିଆ ଟିମର ବୋଲିଂ ହେଉକି ବ୍ୟାଟିଂ ସବୁଥିରେ ଭାରତର ପ୍ରଦର୍ଶନ ଭଲ ରହିଛି । ତେଣୁ ଭାରତ ଆଜିର ମ୍ୟାଚରେ ବିଜୟୀ ହେବା  ଆଶା ରହିଛି । ଅନ୍ୟପଟେ ଡେଙ୍ଗୁରୁ ସୁସ୍ଥ ହୋଇଥିବା ଶୁବମନ ଆଜିର ମ୍ୟାଚ ଖେଳିପାରନ୍ତି ବୋଲି ସମ୍ଭାବନା ରହିଛି। ଯଦି ଗିଲ୍ ଖେଳନ୍ତି ତେବେ ଏହା ତାଙ୍କର ପ୍ରଥମ ବିଶ୍ୱକପ୍ ମ୍ୟାଚ୍ ହେବ ।

ଇଟିଭି ଭାରତ, କଟକ, ବ୍ରହ୍ମପୁର