ମଣିଷ ଜୀବନ ପିଆଜ ଭଳି: ରାଷ୍ଟ୍ରପତି

ଭୁବନେଶ୍ବର: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଓଡ଼ିଶା ଗସ୍ତର ଶେଷ ଦିନ । ତେବେ ଆଜି ରାଷ୍ଟ୍ରପତି ରାଜଧାନୀ ଉପକଣ୍ଠ ତମାଣ୍ଡୋ ସ୍ଥିତ ବ୍ରହ୍ମକୁମାରୀ ସେଣ୍ଟରର ଶିଳାନ୍ୟାସ କରିଛନ୍ତି । ଏହା ସହ ତମାଣ୍ଡୋ ବାଲିଆପଡ଼ାରେ 'ଦି ଇୟର ଅଫ ପିଜିଟିଭି ଚେଞ୍ଜ' ଥିମ୍‌ ଲଞ୍ଚ କରିଛନ୍ତି । ଏହି ଅବସରରେ ମନୁଷ୍ୟ ଜୀବନର ବାସ୍ତବତାକୁ ବୁଝାଇ ରାଷ୍ଟ୍ରପତି କହିଛନ୍ତି, "ମଣିଷ ଜୀବନ ପିଆଜ ଭଳି । ପିଆଜକୁ ଯେପରି ଖୋଲି ଖୋଲି ଗଲେ ତା ଭିତରେ ଆଉ କିଛି ନଥାଏ, ମଣିଷ ଜୀବନ ମଧ୍ୟ ଠିକ ସେହିପରି । ଯେତେବେଳେ ଆମେ ବାର୍ଦ୍ଧକ୍ୟ ଅବସ୍ଥାରେ ପହଞ୍ଚିବା ସେତେବଳେ ମୋଟା ଲୁଗା ତ ଥିବ, ହେଲେ ତାକୁ ବାନ୍ଧିବାକୁ ଅଣ୍ଟାରେ ବଳ ନଥିବ । ସେତେବେଳେ ୨ ପଟ ରୁଟିକୁ ହଜମ କରିବା ବି କଷ୍ଟକର ହୋଇପଡ଼ିବ । ତେବେ ଧନ ସଞ୍ଚିବ କାହା ପାଇଁ ? ତେଣୁ ସବୁବେଳେ ସକରାତ୍ମକ ଭାବନା ସହିତ ବଞ୍ଚିବାକୁ ପଡିବ ।"  

ଇଟିଭି ଭାରତ, ଭୁବନେଶ୍ବର