କଟକରେ କାଳବୈଶାଖୀ ତାଣ୍ଡବ, ଭାଙ୍ଗିଲା ଘର

କଟକ: ସହରରେ କାଳବୈଶାଖୀର ତାଣ୍ଡବ। କାଳବୈଶାଖୀ ଝଡ଼ ତୋଫାନରେ ଅନେକ ଗଛ ଉପୁଡି ପଡିଥିବା ବେଳେ କିଛି ଲୋକ ଆହତ ହୋଇଥିବା ସୂଚନା ମିଳିଛି । କଟକ ୱାର୍ଡ ନମ୍ବର ୧୭ ସ୍ଥିତ ଡଗବର ସାହିରେ ଥିବା ଆଜବେଷ୍ଟ ଘର ଉପରେ କାଳ ବୈଶାଖୀ ଝଡ଼ ତୋଫାନରେ ନଡ଼ିଆ ଗଛ ପଡ଼ିବାରୁ ଘର ଭାଙ୍ଗି ଯାଇଛି । 

ସନ୍ଧ୍ୟା ଆରମ୍ଭ ହେବା କ୍ଷଣି କଟକରେ ଆରମ୍ଭ ହୋଇଥିଲା ପ୍ରଚଣ୍ଡ କାଳ ବୈଶାଖୀ । ବିଜୁଳି ଘଡଘଡି ସାଙ୍ଗକୁ ବର୍ଷାରେ ଭିଜିଥିଲା ସାରା ସହର । ଯାହାକୁ ନେଇ ସହରରେ ଅସ୍ତବ୍ୟସ୍ତ ହୋଇପଡିଥିଲେ ଲୋକେ । ପବନର ବେଗ ଧୀରେ ଧୀରେ ବଢିବା ସହ ବର୍ଷାର ପରିମାଣ ମଧ୍ୟ ବଢି ଯାଇଥିଲା । ତେବେ ଏହି ସମୟରେ ସୂତା ହାଟ ଅଞ୍ଚଳ 17 ନମ୍ବର ୱାର୍ଡର ଶେଖ ରହିମ ଘରେ ଥିଲା ବେଳେ । ହଠାତ୍‌ ନିକଟସ୍ଥ ନଡ଼ିଆ ଗଛ ତାଙ୍କ ଘରେ ଭାଙ୍ଗି ଯାଇଥିଲା । ପାଣିପାଗ ବିଭାଗ ପକ୍ଷରୁ ମଧ୍ୟ ପଶ୍ଚିମ ଝଡ଼ ହେବା ନେଇ ପୂର୍ବାନୁମାନ କରାଯାଇଥିଲା । କିନ୍ତୁ କଟକରେ ଏହାର ପ୍ରଭାବ ନଥିଲେ ସୁଦ୍ଧା ଅନେକ ଜାଗାରେ ଗଛ ଭାଙ୍ଗିବାର ଦୃଶ୍ୟ ସାମ୍ନାକୁ ଆସିଛି।


ଇଟିଭି ଭାରତ, କଟକ