ପଶ୍ଚିମା ଝଡର ପ୍ରଭାବ, ବିଭିନ୍ନ ସ୍ଥାନରେ ପ୍ରବଳ କୂଆପଥର ସାଙ୍ଗକୁ ବର୍ଷା

ଯାଜପୁର: ଜିଲ୍ଲାରେ ପଶ୍ଚିମା ଝଡର ପ୍ରଭାବ । ଆଜି ସକାଳେ ଜିଲ୍ଲାର ବିଭିନ୍ନ ସ୍ଥାନରେ ପ୍ରବଳ କୂଆପଥର ସାଙ୍ଗକୁ ବର୍ଷା ଦେଖିବାକୁ ମିଳିଛି । ରାସ୍ତା ଘାଟରେ କୂଆପଥର ସମ୍ପୂର୍ଣ୍ଣ ଘୋଡେଇ ହୋଇଛି ।  କୁଆ ପଥରର ପ୍ରଭାବ ବିଂଝାରପୁରରେ ସର୍ବାଧିକ ବୋଲି କୁହାଯାଉଛି । ଫଳରେ ପନିପରିବା ଚାଷ ସମ୍ପୂର୍ଣ୍ଣ ନଷ୍ଟ ହୋଇଯାଇଛି। କେତେକ ସ୍ଥାନରେ ଆଜବେଷ୍ଟସ ମଧ୍ୟ କଣା ହୋଇଥିବା କୁହାଯାଇଛି  ।  ପ୍ରକାଶ ଯୋଗ୍ୟ, ଆଜକୁ 2 ଦିନ ହେବ ଜିଲ୍ଲାରେ ଜାରି ରହିଛି ଲଗାଣ ବର୍ଷା । ତେବେ ଏହି ବର୍ଷା ତୁହାକୁ ତୁହା ଜିଲ୍ଲାର 10ଟି ବ୍ଲକ ଓ ଦୁଇଟି ପୌର ପରିଷଦ ଅଂଚଳରେ ଲାଗି ରହିଛି । ଆଜି ସକାଳୁ ପ୍ରବଳ ବର୍ଷା ଓ କୁଅପଥର ମାଡ଼ରେ କ୍ଷୟକ୍ଷତି ହୋଇଥିବା ଦେଖିବାକୁ ମିଳିଛି । ସେହିପରି ପାଣିପାଗ ସୂଚନା ଅନୁଯାୟୀ ବିଂଝାରପୁରରେ ସର୍ବାଧିକ ବର୍ଷା ହୋଇଥିବା ସୂଚନା ମିଳିଛି । 

ଇଟିଭି ଭାରତ , ଯାଜପୁର