Maheswar Mohanty Demise: ବିଧାନସଭାରେ ପୂର୍ବତନ ବାଚସ୍ପତିଙ୍କୁ ଗାର୍ଡ ଅଫ୍ ଅନର

ଭୁବନେଶ୍ବର: ପୁରୀର ପୂର୍ବତନ ବିଧାୟକ ତଥା ବାଚସ୍ପତି ମହେଶ୍ବର ମହାନ୍ତି ଆଜି ଭୋର୍ ସମୟରେ ଇହଧାମ ତ୍ୟାଗ କରିଛନ୍ତି । ହସ୍ପିଟାଲରୁ ତାଙ୍କର ପାର୍ଥିବ ଶରୀର ପ୍ରଥମେ ଶଙ୍ଖ ଭବନ ପରେ ବିଧାନସଭା ଅଣାଯାଇଛି । ବିଧାନସଭା ପରିସରରେ ତାଙ୍କୁ ଗାର୍ଡ ଅଫ୍ ଅନର ଦିଆଯାଇଛି । ବିଜେଡି ନେତୃବୃନ୍ଦ ପୂର୍ବତନ ବାଚସ୍ପତିଙ୍କ ଅନ୍ତିମ ଦର୍ଶନ କରି ଶ୍ରଦ୍ଧାଞ୍ଜଳି ଦେଇଛନ୍ତି । ଏହାପରେ ବିଧାନସଭାରୁ ଜନ୍ମମାଟି ପୁରୀ ଅଭିମୁଖେ ମହେଶ୍ବରଙ୍କ ପାର୍ଥିବ ଶରୀର ନିଆଯାଇଛି  । ପୁରୀରେ ମଧ୍ୟ ଦିବଙ୍ଗତ ନେତାଙ୍କ ମରଶରୀରର ଅନ୍ତିମ ଦର୍ଶନ ପାଇଁ ବ୍ୟବସ୍ଥା କରାଯାଇଛି । ଶେଷ ଦର୍ଶନ ପରେ ସ୍ବର୍ଗଦ୍ବାରରେ ତାଙ୍କର ଶେଷକୃତ୍ୟ ସମ୍ପନ୍ନ ହେବ । ତେବେ ମହେଶ୍ବର ମହାନ୍ତିଙ୍କ ବିୟୋଗରେ ରାଜନୈତିକ ମହଲରେ ଶୋକର ଛାୟା ଖେଳି ଯାଇଛି  । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଠାରୁ ଆରମ୍ଭ କରି ବରିଷ୍ଠ ନେତାମନ୍ତ୍ରୀ ଓ ବିରୋଧୀ ଦଳ ନେତାମାନେ ଗଭୀର ଶୋକ ବ୍ୟକ୍ତ କରିଛନ୍ତି  । ବିଧାନସଭା ପରିସରରୁ ଦେଖନ୍ତୁ ଗାର୍ଡ ଅଫ ଅନର ପ୍ରଦାନ ସମୟର ଦୃଶ୍ୟ...