ଖୋର୍ଦ୍ଧାରେ ଘନ କୁହୁଡ଼ି, ଦିଶୁନି ରାସ୍ତାଘାଟ

ଖୋର୍ଦ୍ଧା: ଧଳା ଚାଦର ତଳେ ଖୋର୍ଦ୍ଧା । ଆଜି ସକାଳୁ ଖୋର୍ଦ୍ଧା ଜିଲ୍ଲାର ବିଭିନ୍ନ ସ୍ଥାନରେ ପ୍ରବଳ କୁହୁଡି ଦେଖିବାକୁ ମିଳୁଛି । କୁହୁଡ଼ିର ଘନତା ଏତେ ଅଧିକ ଥିଲା ଯେ, 10 ମିଟର ଦୂରକୁ କିଛି ଦୃଶ୍ୟମାନ ହେଉନାହିଁ । ଚାରିଆଡେ ଧଳା ଚାଦର ଢାଙ୍କି ହେଲା ଭଳି ଅନୁଭବ ହୋଇଥିଲା । ନୂତନ ବର୍ଷର ନୂଆ ସୂର୍ଯ୍ୟ ଦିନ 10ଟା ପର୍ଯ୍ୟନ୍ତ ଦୃଶ୍ୟମାନ ହୋଇନଥିଲେ । ଯାହା ଫଳରେ ଲୋକେ ବହୁ ମାତ୍ରାରେ ପ୍ରଭାବିତ ହୋଇଛନ୍ତି । ଗାଡି ମୋଟର ଚଳାଚଳ ବ୍ୟାହତ ହୋଇଛି । ରାତି ତାପମାତ୍ରା ଅଧିକ ରହୁଥିବାରୁ ଶୀତ କମିଛି । ମାତ୍ର ଜିଲ୍ଲାରେ ଘନ କୁହୁଡି ଦେଖିବାକୁ ମିଳିଛି ।