Watch: ମନ୍ଦିରରେ ପିଟାପିଟି ହେଲେ ଭକ୍ତ ଓ ପୂଜାରୀ

ଡେରାଡୁନ: ଉତ୍ତରାଖଣ୍ଡର ରୁଦ୍ରପ୍ରୟାଗ ଜିଲ୍ଲାରେ ଥିବା ତୃତୀୟ କେଦାର ପ୍ରଭୁ ତୁଙ୍ଗନାଥ ମନ୍ଦିରରେ ପୁରୋହିତ ଏବଂ ଭକ୍ତଙ୍କ ମଧ୍ୟରେ ମାରପିଟ୍ ।  ଯାହାର ଭିଡିଓ ଭାଇରାଲ ହେବାରେ ଲାଗିଛି । ଭିଡିଓରେ ଦେଖିବାକୁ ମିଳିଛି ଯେ ଉଭୟ ଦଳ ପରସ୍ପର ସହ ଲଢୁଛନ୍ତି । ଏହି ବିବାଦର କାରଣ ମନ୍ଦିରର ଦର୍ଶନ ସହିତ ଜଡିତ ବୋଲି ସୂଚନା ମିଳିଛି । ତେବେ ଏହି ବିବାଦ ଏତେ ବଢିଯାଇଥିଲା ଯେ ଭକ୍ତମାନେ ତମ୍ବାର ଢାଳରେ ପୂଜାରୀଙ୍କୁ ଆକ୍ରମଣ କରିଥିଲେ । ଏନେଇ ଉଭୟ ପକ୍ଷରୁ ଥାନାରେ ଏତଲା ଦିଆଯାଇଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଛି ।  ଏହି ଭାଇରାଲ ଭିଡିଓଟି କିଛି ଦିନ ପୂର୍ବର ହୋଇଥିବା ଜଣାପଡିଛି । ଗତ ୪ ତାରିଖ ଦିନ ଏନେଇ ରୁଦ୍ରପ୍ରୟାଗର ଉଖିମାଥ ପୋଲିସ ଷ୍ଟେସନରେ ପୁରୋହିତମାନେ ଅଭିଯୋଗ କରିଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ