Seema Haider On ETV Bharat: ସଚିନ ସହିତ ସତ ପ୍ରେମ ନା ଭାରତ ବିରୋଧରେ ଷଡଯନ୍ତ୍ର ? ଜାଣନ୍ତୁ କେବେ କରିବେ ଭାରତୀୟ ନାଗରିକତା ପାଇଁ ଆବେଦନ

ନୂଆଦିଲ୍ଲୀ: PUBG ଖେଳୁ ଖେଳୁ ହୋଇଗଲା ପ୍ରେମ । ଭାରତୀୟ ଯୁବକଙ୍କ ପ୍ରେମରେ ପଡିଲେ ପାକିସ୍ତାନୀ ଯୁବତୀ । ନେପାଳରେ ସାକ୍ଷାତ ପରେ ଉଭୟ ବିବାହ ମଧ୍ୟ କଲେ । ତା’ ପରେ ସିଧା ଚାଲିଆସିଲେ ଭାରତ । ପ୍ରେମିକର ଘର ନୋଏଡାରେ ରହିଲେ । ହେଲେ ବିଦେଶୀ ଲିଙ୍କରେ ଜାତୀୟ ତଦନ୍ତକାରୀ ସଂସ୍ଥା ଖୋଳତାଡ କଲା । ଏହି ମାମଲାରେ ଯୁବକଜଣଙ୍କ ଗିରଫ ମଧ୍ୟ ହୋଇଥିଲେ । ଏବେ ବେଲ୍ ମିଳିବା ପରେ ଏହି ଦମ୍ପତି ନୋଏଡାରେ ଏକାଠି ରହୁଛନ୍ତି । ତେବେ ପୋଲିସ କାର୍ଯାନୁଷ୍ଠାନ ପରେ ସେ ଭାରତୀୟ ନାଗରିକତା ପାଇଁ ଆବେଦନ କରିବେ । 

ନୋଏଡାରେ ରହୁଥିବା ଏହି ପାକିସ୍ତାନୀ ଯୁବତୀ ହେଉଛନ୍ତି ସୀମା ଗୁଲାମ ହାଇଦର । ସେ ଏବେ ନୋଏଡାର ସଚିନ ନାମକ ଜଣେ ଯୁବକଙ୍କୁ ପ୍ରେମ ବିବାହ କରି ତାଙ୍କ ଘରେ ରହୁଛନ୍ତି । ପାକିସ୍ତାନ ଫେରବା ପାଇଁ ସୀମା ଗୁଲାମ ସିଧା ମନା କରିବା ସହ ତଦନ୍ତର ସାମ୍ନା କରିବେ ବୋଲି କହିଛନ୍ତି । ତଦନ୍ତ ହେବା ପରେ ସେ ଭାରତୀୟ ନାଗରିକତା ପାଇଁ ଆବେଦନ କରିବେ ଓ ସବୁଦିନ ପାଇଁ ଭାରତରେ ବୋଲି ମଧ୍ୟ ସେ କହିଛନ୍ତି । ପ୍ରେମ ପାଇଁ ଭାରତ ଆସିଥିବା ଏହି ପାକିସ୍ତାନୀ ଯୁବତୀଙ୍କ ସହ ଆଲୋଚନା କରିଛନ୍ତି ଆମ ସ୍ଥାନୀୟ ପ୍ରତିନିଧି ନରେନ୍ଦ୍ର ଭାଟି ।