Interview With Prabodh Tirkey: ତଳସରା ନିର୍ବାଚନ ମଣ୍ଡଳୀରେ ଜିତିବା ସ୍ବପ୍ନ, କହିଲେ ପ୍ରବୋଧ ତିର୍କୀ

ଭୁବନେଶ୍ବର: ହାତ ଧରିଛନ୍ତି ହକିମ୍ୟାନ ପ୍ରବୋଧ ତୀର୍କୀ । ଆନୁଷ୍ଠାନିକ ଭାବେ କଂଗ୍ରେସରେ ସାମିଲ ହୋଇଛନ୍ତି ଭାରତୀୟ ହକି ଦଳର ପୂର୍ବତନ ଅଧିନାୟକ ପ୍ରବୋଧ ତିର୍କୀ । କଂଗ୍ରେସରେ ଯୋଗ ଦେବା ପରେ ଇଟିଭି ଭାରତକୁ ପ୍ରତିକ୍ରିୟା ଦେଇଛନ୍ତି ପ୍ରବୋଧ । କଂଗ୍ରେସରେ ମିଶିବା ନେଇ ପ୍ରବୋଧ ତିର୍କୀ କହିଛନ୍ତି,''କଂଗ୍ରେସ ବିଚାରଧାରା ମୋତେ ପ୍ରଭାବିତ କରିଛି । ତେଣୁ ମୁଁ ଦଳରେ ମିଶିବାକୁ ଭାବିଲି । ଲୋକମାନଙ୍କ ସେବା କରିବା ପାଇଁ ଦଳରେ ମିଶିଛି । ସୁନ୍ଦରଗଡରେ ଅନେକ ସମସ୍ୟା ରହିଛି । ଦଳର ସମସ୍ତ ସିନିୟର ନେତାଙ୍କ ସହ ଆଲୋଚନା କରି ସମସ୍ୟାର ସମାଧାନ କରିବାକୁ ଚେଷ୍ଟା କରିବି । ମୋ ପାଇଁ ଏହା ନୂଆ ଫିଲ୍ଡ । ମୋ ତରଫରୁ ଦଳ ତରଫରୁ ସୁନ୍ଦରଗଡ ପାଇଁ ଯାହା ଉନ୍ନତି କରାଯିବ ତାହା କରିବି । ହକି ଅଲଗା ରାଜନୀତି ଅଲଗା ଶୀଘ୍ର ଦଳର ବିଚାରଧାରାରେ ନିଜକୁ ଖାପଖୁଆଇ କାର୍ଯ୍ୟ କରିବି । ତଳସରା ନିର୍ବାଚନ ମଣ୍ଡଳୀରେ ଜିତିବା ସ୍ବପ୍ନ ।''

ଇଟିଭି ଭାରତ, ଭୁବନେଶ୍ବର