କୃଷ୍ଣରଞ୍ଜନପୁରରେ ହାତୀ ଆତଙ୍କ, ଘଉଡ଼ାଇବା ପ୍ରୟାସ ବିଫଳ

ପୁରୀ : ପୁରୀ ଚନ୍ଦନପୁର ନିକଟ କୃଷ୍ଣରଞ୍ଜନପୁରରେ ହାତୀ ଆତଙ୍କ। ହାତୀକୁ ଘଉଡ଼ାଇବା ପାଇଁ ବନ ବିଭାଗ ପକ୍ଷରୁ ଅନେକ ପ୍ରୟାସ କରାଯାଉଥିବା ବେଳେ ଏହା ସଫଳ ହୋଇନାହିଁ । ହାତୀଟି ଏକ ବଗିଚା ଭିତରେ ଆଶ୍ରୟ ନେଇଛି । ତେବେ ଦିନ ଥିବାରୁ ହାତୀଟି ସ୍ଥାନ ଛାଡୁନଥିବା ବନବିଭାଗ କହିଛି । ଗତକାଲି (ରବିବାର) ଏହି ଦନ୍ତା ହାତୀଟି ଡେଲାଙ୍ଗ ଅଞ୍ଚଳରେ ବୁଲୁଥିଲା । ତେବେ ରାତିରେ ଏହି ହାତୀଟି ନିଜ ଦଳରୁ ଅଲଗା ହୋଇ ପଳେଇ ଆସିଥିବା ଅନୁମାନ କରାଯାଉଛି । ହାତୀ ଉପରେ ବନବିଭାଗ ନଜର ରଖିଛି। ଇଟିଭି ଭାରତ, ପୁରୀ