ନାଟ୍ୟମ ନାଟ୍ୟ ମେଳାରେ ମଞ୍ଚସ୍ଥ ହେଲା 'ଏଇ ବୋଧେ ପ୍ରେମ', ବିମୋହିତ ଦର୍ଶକ

Drama 'Ei bodhe prema' staged: ଅନୁଗୋଳ: ଜିଲ୍ଲାର ସଭାଘରଠାରେ ନାଟ୍ୟମ ନାଟ୍ୟ ମେଳାର ଦ୍ଵିତୀୟ ସନ୍ଧ୍ୟାରେ ମଞ୍ଚସ୍ଥ ହୋଇଯାଇଛି ନାଟକ "ଏଇ ବୋଧେ ପ୍ରେମ" । ଭୁବନେଶ୍ୱରର ବିଦ୍ୟା କନକ ସୃଜନୁଷ୍ଠାନ ପକ୍ଷରୁ ଏହି ନାଟକ ପରିବେଷିତ ହୋଇଥିଲା । ନାଟକଟିକୁ ଦିଲ୍ଲୀପ ବଳବନ୍ତରାୟ ରଚନା କରିଥିବା ବେଳେ ଏହାର ନିର୍ଦ୍ଦେଶନା ଦାୟିତ୍ୱ ନେଇଥିଲେ ଜଗଦୀଶ ପ୍ରସାଦ ମହାରଣା । ସହର ସଭ୍ୟତାରେ ଯେତେବେଳେ ମଣିଷ ବୟସର ସାୟାହ୍ନରେ ଏକୁଟିଆ ହୋଇଯାଏ ଓ ପାଖରେ ପିଲାମାନେ ନଥାନ୍ତି ସେତେବେଳେ ସମୟ କାଟିବାକୁ ମଣିଷ କେତେ ଫନ୍ଦି ଫିକର କରେ । ସକାଳ ଚଲାଠାରୁ ଚା' ଖଟି ସବୁଠି ସାଙ୍ଗସାଥିରେ ନିଜକୁ ଖୁସି ରଖିବାକୁ ଚେଷ୍ଟା କରେ । ପୁଅ ବିଦେଶରେ ରହି ବାପାମାଆଙ୍କୁ ପର କରିଦେବା ଭଳି ଆଧୁନିକ ପାରିବାରିକ କାହାଣୀକୁ ନେଇ ଏହି ନାଟକଟି ଲେଖାଯାଇଥିବା ବେଳେ ଏହା ଦର୍ଶକମାନଙ୍କୁ ବେଶ ଆକୃଷ୍ଟ କରିଥିଲା । ତେବେ ଏହି ନାଟକ ଉତ୍ସବକୁ ପୂର୍ବତନ ପ୍ରଶାସକ ହେମନ୍ତ କୁମାର ଦାସ ଉଦଘାଟନ କରିଥିବା ବେଳେ ନାଟ୍ୟମର ସଭାପତି ସୁଧାଂଶୁ ମୋହନ ଦ୍ବିବେଦୀ ଓ ସମ୍ପାଦକ ସମୀର ପଟ୍ଟନାୟକ କାର୍ଯ୍ୟକ୍ରମ ପରିଚାଳନା କରିଥିଲେ  ।

ଇଟିିଭି ଭାରତ, ଅନୁଗୋଳ