ନିର୍ବାଚନ ପୂର୍ବରୁ ଟଙ୍କା ବର୍ଷା, ରାଲିରେ ନୋଟ ଉଡାଇଲେ ଡିକେ ଶିବକୁମାର

ବେଙ୍ଗାଲୁରୁ: ଆଜି ବାଜିବ କର୍ଣ୍ଣାଟକ ବିଧାନସଭା ନିର୍ବାଚନ ବିଗୁଲ । ଏହା ପୂର୍ବରୁ ମାର୍ଚ୍ଚ ୨୫ ତାରିଖରେ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି କଂଗ୍ରେସ । ତେବେ ଚଳିତ ଥର କର୍ଣ୍ଣାଟକରେ ସରକାର ଗଠନ କରିବାରୁ ସବୁ ପ୍ରକାର କୌଶଳ ଲଗାଇଛି କଂଗ୍ରେସ । ଏହାରି ଭିତରେ ରାଜ୍ୟ କଂଗ୍ରେସ ସଭାପତି ଡିକେ ଶିବକୁମାରଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି । ମଙ୍ଗଳବାର ଏକ ରାଲିରେ ଶିବକୁମାର ଟଙ୍କା ଉଡାଉଥିବା ଦେଖାଯାଇଛି ।

ନିର୍ବାଚନ ପାଇଁ ପ୍ରଚାର ଆରମ୍ଭ ହୋଇଥିବା ବେଳେ କଂଗ୍ରେସ ତରଫରୁ ପ୍ରଚାର ଆରମ୍ଭ ହୋଇଛି । ଏହି କ୍ରମରେ ମଙ୍ଗଳବାର ଦିନ ଶିବକୁମାର ଏବଂ ଅନ୍ୟ କଂଗ୍ରେସ ନେତା ମାଣ୍ଡ୍ୟା ଜିଲ୍ଲାର ବେଭିନାହାଲ୍ଲୀର ଏକ ରାଲି କରିଥିଲେ । ସେହି ସମୟରେ ସେ ଏକ ବସ ଉପରେ ରହି ଲୋକଙ୍କ ଉପରେ ୫୦୦ ଟଙ୍କିଆ ନୋଟ ଉଡାଉଥିବା ଦେଖାଯାଉଛି । ଏହାସହ ଲୋକମାନେ ମଧ୍ୟ ଟଙ୍କା ଗୋଟାଉଛନ୍ତି । ସେହି ସମୟରେ ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।