କଟକରେ ଆରମ୍ଭ ହେଲା ଦାଣ୍ଡିଆ ନାଇଟ୍ସ

କଟକ: ଆଉ ଦିନ କେଇଟା ପରେ ଦଶହରା । ନବରାତ୍ରୀରେ ଚିକ୍‌ମିକ୍‌ ଆଲୁଅରେ ଝଲସି ଉଠୁଛି ସିଲଭର ସିଟି କଟକ । ଏବେଠାରୁ ଜମିଲାଣି ଦାଣ୍ଡିଆ ନାଇଟ । ନବରାତ୍ର ଜାରି ରହିଥିବାରୁ ଲାୟନ୍ସ କ୍ଳବ୍ ଅଫ୍ କଟକ ଭେଲଭେଟ ଏବଂ କଟକ କ୍ଳବ୍ ର ମିଳିତ ଆନୁକୁଲ୍ୟରେ କ୍ଳବ୍ ପରିସରରେ ଆରମ୍ଭ ହୋଇଛି ଦାଣ୍ଡିଆ ସାଂସ୍କୃତିକ କାର୍ଯ୍ୟକ୍ରମ । ବାଙ୍କୀର ଏକ ଗ୍ରାମକୁ ଭେଲଭେଟ୍‌ ପକ୍ଷରୁ ପୋଷ୍ୟ ଗ୍ରାମ୍ୟ ଭାବରେ ଗ୍ରହଣ କରାଯାଇଛି । ଏଥିପାଇଁ ଉକ୍ତ ଗ୍ରାମର ପାନୀୟଜଳ ଏବଂ ବିଭିନ୍ନ ଉନ୍ନତି ଉଦ୍ଦେଶ୍ୟ ରଖି ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । କ୍ଲବ ପକ୍ଷରୁ ଯାହା ବି ଅର୍ଥ ଯୋଗାଡ଼ ହେବ ତାହାକୁ ଉକ୍ତ ଗ୍ରାମରେ ବିକାଶ ଧାରା ରେ ଲଗାଯିବ ବୋଲି କହିଛନ୍ତି କ୍ଲବ ମୁଖ୍ୟ । କାର୍ଯ୍ୟକ୍ରମରେ ମହିଳାମାନେ ଦାଣ୍ଡିଆ ନୃତ୍ୟ ପରିବେଷଣ କରିଥିଲେ । ଲାୟନ୍ସ କ୍ଲବ୍‌ ଗଭର୍ଣ୍ଣର ଶରତ ଚନ୍ଦ୍ର ପ୍ରଧାନ, ପୂର୍ବତନ ଗଭର୍ଣ୍ଣର ଲାୟନ୍ ପ୍ରଭାତ ମହାନ୍ତି, ଲାୟନ ପ୍ରକାଶ ଜେନାସ, ଲାୟନ୍ ପ୍ରଫୁଲ୍ଲ ସାମଲ ଅତିଥି ଭାବରେ ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ । କଟକ ବାରବାଟି ବିଧାୟକ ମହମ୍ମଦ ମୋକିମ, ଲାୟନ୍ସ  ଚକ୍ଷୁ ଚିକିତ୍ସାଳୟର ଅଧ୍ୟକ୍ଷ ଗଣେଶ କାଣ୍ଡୋଇ, ସରିତା ଲୁନାନି,ଉମେଶ ଖଣ୍ଡେଲ ୱାଲ୍ ପ୍ରମୁଖ ଅତିଥି ଭାବରେ ଯୋଗଦେଇଥିଲେ। ଭେଲଭେଟ୍ କ୍ଳବ୍‌ର ସଭାପତି ଲାୟନ ଉର୍ମିଳା ମୋଦି କାର୍ଯ୍ୟକ୍ରମକୁ ପରିଚାଳନା କରିଥିଲେ।  

ଇଟିଭି ଭାରତ,କଟକ