ରାଷ୍ଟ୍ରପତିଙ୍କୁ ନୃତ୍ୟ ମାଧ୍ୟମରେ ସ୍ବାଗତ, ଖୁସିରେ ବିଭୋର ନୃତ୍ୟାଙ୍ଗନା

ଭୁବନେଶ୍ବର: ଦେଶର ସର୍ବୋଚ୍ଚ ପଦରେ ଥିବା ରାଷ୍ଟ୍ରପତିଙ୍କ ସମ୍ମୁଖରେ ନୃତ୍ୟ ପରିବେଷଣ କରି ଖୁସିରେ ବିଭୋର ନୃତ୍ୟଙ୍ଗନା । ତମାଣ୍ଡୋ ଦସବାଟିଆ ବ୍ରହ୍ମା କୁମାରୀ ଡିଭାଇନ ଲାଇଟ୍ ହାଉସର ଶିଳାନ୍ୟାସ ଅବସରରେ ଏଭଳି ସୁଯୋଗ ପାଇଥିଲେ ସାଇକଳା ସଂସଦର କିଛି ଛାତ୍ର ଛାତ୍ରୀ । ନାଚି ନାଚି ରାଷ୍ଟ୍ରପତିଙ୍କ ଆଗମନ ବେଳେ ସ୍ବାଗତ କରିବା ସହ ସକରାତ୍ମକ ବର୍ଷ ୨୦୨୩ ସମାରୋହ ଅବସରରେ ଓଡିଶୀ ଓ ସମ୍ବଲପୁରୀ ଗୀତ ଗାଇଥିଲେ । ଏହି ଅବସରରେ ଖୁସି ବ୍ୟକ୍ତ କରି ନୃତ୍ୟାଙ୍ଗନା କହିଛନ୍ତି, "ସାରା ଦୁନିଆ ଯେତେବେଳେ ରାଷ୍ଟ୍ରପତିଙ୍କୁ ଦେଖୁଥିଲା । ସେତେବେଳେ ରାଷ୍ଟ୍ରପତି ମହୋଦୟା ଆମକୁ ଦେଖୁଥିଲେ ।" ଏହାସହ ରାଷ୍ଟ୍ରପତିଙ୍କୁ ପାଖରେ ପାଇ ଖୁସି ବ୍ୟକ୍ତ କରିଛନ୍ତି ଅନୁଷ୍ଠାନର ଛାତ୍ରୀ। ପିଲାମାନଙ୍କୁ ହାଲଚାଲ ମଧ୍ୟ ପଚାରି ବୁଝିଥିଲେ ରାଷ୍ଟ୍ରପତି।  

ଅନୁଷ୍ଠାନର ସଭାପତି ପୁଷ୍ପାଞ୍ଜଳି ନାୟକ କହିଛନ୍ତି, "ରାଷ୍ଟ୍ରପତିଙ୍କୁ ସ୍ବାଗତ ପାଇଁ ଆମକୁ ଯୋଗାଯୋଗ କରାଯାଇଥିଲା । ଯେବେ ଜାଣିଲୁ ରାଷ୍ଟ୍ରପତିଙ୍କ ଆଗରେ ପିଲା ନୃତ୍ୟ କରିବେ ଆମର ବିଶ୍ବାସ ନଥିଲା । ତେବେ ରାଷ୍ଟ୍ରପତିଙ୍କ ଆଗରେ ପିଲମାନେ ଭଲ ନୃତ୍ୟ ପରିବେଷଣ କଲେ । ଟଙ୍କପାଣି ରୋଡରେ ଭୁବନେଶ୍ୱର ଗ୍ରାଣ୍ଡ ପାଖରେ ୧୭ବର୍ଷ ଧରି ଆମର ଅନୁଷ୍ଠାନ ଚାଲିଛି । ଆଜି ଆମେ ରାଷ୍ଟ୍ରପତିଙ୍କ ଆଗରେ ନୃତ୍ୟ ପରିବେଷଣ କରି ଆମ ଅନୁଷ୍ଠାନ ଧନ୍ୟ ହୋଇଗଲା ।" ଏପରି ଶିଳାନ୍ୟାସ କାର୍ଯ୍ୟକ୍ରମରେ ଯୋଗଦେବା ସହ ନୃତ୍ୟ ପରିବେଷଣ କରି ସମସ୍ତେ ବେଶ ଖୁସି ଅନୁଭବ କରିବା ସହ ଉତ୍ସାହିତ ଥିବା ଜଣାପଡିଛି ।
 

ଇଟିଭି ଭାରତ, ଭୁବନେଶ୍ବର