National Sports Day 2022, ସାଇକ୍ଲୋଥୋନରେ ସାମିଲ ହେଲେ ରାୟଗଡା ଜିଲ୍ଲାପାଳ

ରାୟଗଡା: ଜାତୀୟ କ୍ରୀଡା ଦିବସ ଉପଲକ୍ଷେ ସାଇକେଲ ମାରାଥନ ଆୟୋଜନ ହୋଇଯାଇଛି । ସ୍ଥାନୀୟ ଜିଲ୍ଲା କ୍ରୀଡା କାର୍ଯ୍ୟାଳୟ ସମ୍ମୁଖରେ ରବିବାର ମାରୱାଡ଼ି ଯୁବ ମଞ୍ଚ ତରଫରୁ ସାଇକେଲ ମାରାଥନ ଆୟୋଜନ କରାଯାଇଥିଲା । ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀ, ପୁରୁଷ ଓ ମହିଳା, ଛୋଟ ବଡ ବାଳକ ଓ ବାଳିକା ମାନେ ୨୫୦ରୁ ଊର୍ଦ୍ଧ୍ବ ସାଇକେଲ ଆରୋହୀ ମାନେ ଏହି କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ । ମୁଖ୍ୟ ଅତିଥି ଭାବେ ରାୟଗଡା ଜିଲ୍ଲାର ଜିଲ୍ଲାପାଳ ସ୍ବଧାଦେବ ସିଂ ସିଂହ, ଆରକ୍ଷୀ ଅଧିକ୍ଷକ ବିବେକାନନ୍ଦ ଶର୍ମା, ପୌର ଅଧ୍ୟକ୍ଷ ପି ମହେଶ୍ବର ପଟ୍ଟନାୟକ ଓ ଜିଲ୍ଲା କ୍ରୀଡା ଅଧିକାରୀ ଉପସ୍ଥିତ ରହିଥିଲେ । ମୁଖ୍ୟ ଆକର୍ଷଣ ରାୟଗଡା ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକ ମଧ୍ୟ ସାଇକେଲ ମାରାଥନରେ ସାଇକେଲ ଚଳାଇବା ଆରମ୍ଭରୁ ଶେଷ ଯାଏଁ ଅଂଶ ଗ୍ରହଣ କରିଥିଲେ । ଜିଲ୍ଲାପାଳ ଓ ଆରକ୍ଷୀ ଅଧ୍ୟକ୍ଷ ସବୁଜ ପତକା ହଲାଇ ସାଇକେଲ ମାରାଥନ ଆରମ୍ଭ କରିବା ସହ ନିଜେ ସାଇକେଲରେ ସହର ପରିକ୍ରମା କରିଥିଲେ ।