Train Accident: ଚୁରମାର୍ ହୋଇଯାଇଛି ଟ୍ରେନ, ପଡିଛି କୁଢ କୁଢ ମୃତଦେହ

ବାଲେଶ୍ବର: ଗତ ସନ୍ଧ୍ୟାରେ ବାହାନଗା ଷ୍ଟେସନ ନିକଟରେ ଘଟିଛି ଦଶନ୍ଧିର ସବୁଠୁ ବଡ ଦୁର୍ଘଟଣା । ଆହତଙ୍କ ଆର୍ତ୍ତନାଦରେ ଥରିଯାଉଛି ସମଗ୍ର ଅଞ୍ଚଳ । ବଗି ଭିତରେ ଫସିଛି ଜୀବନ । ବିଛାଡି ହୋଇପଡିଛି ମୃତଦେହ । ଚାରିଆଡେ ଖାଲି କୁଢ କୁଢ ମୃତଦେହ ଓ ଆର୍ତ୍ତ ଚିତ୍କାରର ସ୍ବର । ଆହତ ଏତେ ଯେ ହସ୍ପିଟାଲରେ ଜାଗା ମିଳୁନି । ଏହି ଦୃଶ୍ୟ ଯେତିକି ଭୟଙ୍କର, ସେତିକି ହୃଦୟ ବିଦାରକ । ନା ଦେଖି ହେଉଛି ନା ଦେଖାଇ ହେଉଛି । ଗତକାଲି ସନ୍ଧ୍ୟା ପ୍ରାୟ ୭ଟା ବେଳେ ବାଲେଶ୍ବର ବାହାନଗା ଷ୍ଟେସନ ନିକଟରେ ୩ଟି ଟ୍ରେନ ଦୁର୍ଘଟଣାଗ୍ରସ୍ତ ହେବା ପରେ ଯେଉଁ ଭୟାନକ ଦୃଶ୍ୟ ସାମ୍ନାକୁ ଆସୁଛି ତାହା ଛାତି ଥରାଇବା ଭଳି । ସମୟ ସହ ମୃତ୍ୟୁସଂଖ୍ୟା ବି ବଢି ଚାଲିଛି  । ଏବେସୁଦ୍ଧା ୨୩୩ ଜଣଙ୍କ ଜୀବନ ଯାଇଥିବା ବେଳେ ଆଗକୁ ଆହୁରି ବଢିବାର ଆଶଙ୍କା ରହିଛି । ଏବେ ବି ବଗି ତଳୁ ଜୀବନ ବଞ୍ଚାଇବାକୁ ଉଦ୍ଧାର କାର୍ଯ୍ୟ ଜାରି ରହିଛି । ଦେଖନ୍ତୁ ଦୁର୍ଘଟଣା ପରର ସେହି ଦୃଶ୍ୟ  ।  

ବ୍ୟୁରୋ ରିପୋର୍ଟ, ଇଟିଭି ଭାରତ