ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଥମ ଥର ପାଇଁ ପଡକାଷ୍ଟରେ ନଜର ଆସିଛନ୍ତି । ନିଖିଲ କାମଥଙ୍କ ପଡକାଷ୍ଟ ସିରିଜ people by WTFରେ ଅତିଥି ଭାବେ ଯୋଡି ହୋଇଛନ୍ତି ।
ପଡକାଷ୍ଟରେ ପ୍ରଧାନମନ୍ତ୍ରୀ
ରାଜନୀତି କରିବା ପାଇଁ କଣ ପ୍ରତିଭା ରହିବା ଉଚିତ ପ୍ରଶ୍ନର ଉତ୍ତରରେ ମୋଦି କହିଛନ୍ତି, ରାଜନୀତିରେ ଆସିବା ଓ ସଫଳ ହେବା ୨ଟି ଭିନ୍ନ ବିଷୟ । ରାଜନେତା ହେବା ପାଇଁ ସମର୍ପଣ ରହିବା ଆବଶ୍ୟକ, ଜନତାଙ୍କ ସୁଖ ଦୁଃଖର ସାଥି ହେବା ଜରୁରୀ, ଭଲ ଟିମ ପ୍ଲେୟାର ହେବା ଜରୁରୀ କିନ୍ତୁ ଯଦି ସେ ଏୟା ଭାବିବ ଯେ ମୁଁ ସବୁକିଛି କରିପାରିବି, ସମସ୍ତେ ମୋ ହୁକୁମ ମାନିବେ ତେବେ ସେ ନିର୍ବାଚନ ତ ଜିତିପାରେ କିନ୍ତୁ ଜଣେ ସଫଳ ରାଜନେତା ହୋଇନପାରେ । ଭାଷଣ କଳାଠୁ ଅଧିକ ଜରୁରୀ ଯୋଗାଯୋଗ କରିବା ।
I had a question that @nikhilkamathcio failed to ask: What is PM @narendramodi's skin regimen? 😬
— Nithin Kamath (@Nithin0dha) January 10, 2025
Jokes apart, this is epic! @nikhilkamathcio started doing podcasts a year ago, and now getting our PM on it is incredible.https://t.co/46DgLBaCAe
ଆରାମଦାୟକ ଜୋନରେ ବାସ କରିନାହାଁନ୍ତି ପ୍ରଧାନମନ୍ତ୍ରୀ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ ସେ କେବେ ବି ଏକ ଆରାମଦାୟକ ଜୋନରେ ବାସ କରିନାହାଁନ୍ତି ଏବଂ ତାଙ୍କର ବିପଦପୂର୍ଣ୍ଣ କ୍ଷମତା ଏପର୍ଯ୍ୟନ୍ତ ସମ୍ପୂର୍ଣ୍ଣ ଭାବେ ବ୍ୟବହାର ହୋଇନାହିଁ | "ଏହା ମୋର ସୌଭାଗ୍ୟ ଯେ ମୁଁ ଆରାମଦାୟକ ଜୋନରେ ଜୀବନ ବିତାଇ ନାହିଁ, କେବେ ବି ସେଠାରେ ନଥିଲି... ଯେହେତୁ ମୁଁ ଆରାମ ସ୍ଥାନରୁ ବାହାରିଥିଲି, ମୁଁ ଜାଣିଥିଲି ମୋତେ କଣ କରିବାକୁ ପଡିବ । ବୋଧହୁଏ ମୁଁ ଆରାମ ପାଇଁ ଅଯୋଗ୍ୟ ...। ସେ ଆହୁରି ମଧ୍ୟ କହିଛନ୍ତି ଯେ ମୁଁ ଯେଉଁ ପ୍ରକାର ଜୀବନ ଅତିବାହିତ କରିଛି, ଛୋଟ ଛୋଟ ଜିନିଷ ମଧ୍ୟ ମୋତେ ସନ୍ତୁଷ୍ଟ କରେ। ଜେରୋଡା ସହ-ପ୍ରତିଷ୍ଠାତା ନିଖିଲ କମାଥଙ୍କ ସହ କଥା ହେବା ବେଳେ ପ୍ରଧାନମନ୍ତ୍ରୀ ଆଉ ମଧ୍ୟ କହିଛନ୍ତି, " ମଣିଷ ଯଦି ଆରାମଦାୟକ ଜୀବନ ବଞ୍ଚିବାରେ ଅଭ୍ୟସ୍ତ ହୁଅନ୍ତୁ ସେବେ ସେ ଅସଫଳ ହୁଅନ୍ତି ।
ରିସ୍କ ନେବା କ୍ଷମତା ଅନେକ ଗୁଣ ଅଧିକ: ପ୍ରଧାନମନ୍ତ୍ରୀ
ସମୟ ସହିତ ତାଙ୍କର ରିସ୍କ ନେବା କ୍ଷମତା ବଢିଛି କି ନାହିଁ ପ୍ରଶ୍ନର ଉତ୍ତରରେ ପ୍ରଧାନମନ୍ତ୍ରୀ କହିଛନ୍ତି "... ମୋର ରିସ୍କ ନେବା କ୍ଷମତା ଅନେକ ଗୁଣ ଅଧିକ... ଏହା ପଛରେ ଏକ କାରଣ ଅଛି, କାରଣ ମୁଁ ନିଜ ବିଷୟରେ ଅଧିକ ଚିନ୍ତା କରେ ନାହିଁ ...। ଗୋଧ୍ରା ଟ୍ରେନ ପୋଡି ଘଟଣାକୁ ଉପସ୍ଥାପନ କରି ମୋଦି କହିଛନ୍ତି, ସେହି ଖବର ଶୁଣିବା ପରେ ମୁଁ ବେଶ ଚିନ୍ତିତ ହୋଇପଡିଥିଲି । ମୁଁ ଗୋଧ୍ରା ଯାଇଥିଲି । ସେହି ଦୃଶ୍ୟ ଦେଖି ମୋତେ ବି କଷ୍ଟ ହୋଇଥିଲା । କିନ୍ତୁ ଯେହେତୁ ମୁଁ ଏକ ପଦରେ ବସିଛି, ସେଥିପାଇଁ ନିଜ ଭାବନାକୁ ଆୟତ୍ତ କରି କାର୍ଯ୍ୟ କରିଥିଲି । ଦାୟିତ୍ୱ ଆସିଲେ ତାକୁ କରିବାକୁ ପଡିବ । "
'କିଛି ଖରାପ ଉଦ୍ଦେଶ୍ୟ ରଖି ଭୁଲ କରିବି ନାହିଁ'
ପ୍ରଧାନମନ୍ତ୍ରୀ ଆଉ ମଧ୍ୟ କହିଛନ୍ତି, "ଜୀବନରେ ମୁଁ ଭୁଲ କରିପାରେ କିନ୍ତୁ କିଛି ଖରାପ ଉଦ୍ଦେଶ୍ୟ ରଖି ଭୁଲ କରିବି ନାହିଁ । ଏହା ମୋ ଜୀବନର ମନ୍ତ୍ର ଅଟେ । ଯେତେବେଳେ ମୁଁ(ଗୁଜରାଟ) ମୁଖ୍ୟମନ୍ତ୍ରୀ ହେଲି ମୁଁ କହିଲି କଠିନ ପରିଶ୍ରମ କରିବାକୁ କୌଣସି ପ୍ରୟାସ କରିବି ନାହିଁ । ମୋ ପାଇଁ ମୁଁ କିଛି କରିବି ନାହିଁ । ତୃତୀୟତଃ, ମୁଁ ମଣିଷ ଓ ମୋ ଦ୍ବାରା ଭୁଲ ହୋଇପାରେ, କିନ୍ତୁ ମୁଁ କୌଣସି ଖରାପ ଉଦ୍ଦେଶ୍ୟ ରଖି ଭୁଲ କାମ କରିବି ନାହିଁ । ଏହାକୁ ମୁଁ ଜୀବନର ମନ୍ତ୍ର କରିଛି ।
ଏହାମଧ୍ୟ ପଢନ୍ତୁ... ଓଡ଼ିଶାରେ ପ୍ରଧାନମନ୍ତ୍ରୀ ମୋଦି, ପ୍ରବାସୀ ଭାରତୀୟ ଦିବସ ସମ୍ମିଳନୀକୁ କରିବେ ସମ୍ବୋଧନ ନୂଆବର୍ଷରେ ମୋଦିଙ୍କୁ ଭେଟିଲେ ଦିଲଜିତ ଦୋସାଞ୍ଜ, ବିଭିନ୍ନ ପ୍ରସଙ୍ଗରେ କଲେ ଆଲୋଚନା |
ମୋଦି କହିଛନ୍ତି ଯେ ଏହା ତାଙ୍କ ଜୀବନର ମନ୍ତ୍ର ଅଟେ ଯେ ସେ ଭୁଲ କରିପାରନ୍ତି କିନ୍ତୁ ଖରାପ ଉଦ୍ଦେଶ୍ୟରୁ ସେ କିଛି ଭୁଲ କରିବେ ନାହିଁ । ଭୁଲ ନିଶ୍ଚିତ ହେବ , ମୁଁ ମଧ୍ୟ ଭୁଲ ନିଶ୍ଚିତ କରିବି । ମୁଁ ମଣିଷ, ମୁଁ ଭଗବାନ ନୁହେଁ ।
