Assembly Election Result: କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାଡଗେଙ୍କ ପ୍ରତିକ୍ରିୟା

ନୂଆଦିଲ୍ଲୀ: ଗୁଜୁରାଟ ଓ ହିମାଚଳ ପ୍ରଦେଶ ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇଛି । ଗୁଜୁରାଟରେ ବିଜେପି ଆଧିପତ୍ୟ ବିସ୍ତାର କରିଥିବା ବେଳେ ହିମାଚଳରେ କଂଗ୍ରେସ ପରମ୍ପରା ବଜାୟ ରଖିଛି । ବିଜେପିଠୁ ହିମାଚଳ ଛଡାଇ ଆଣିଛି କଂଗ୍ରେସ । ଏ ନେଇ ପ୍ରତିକ୍ରିୟା ରଖିଛନ୍ତି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାଡଗେ । ଗୁଜୁରାଟରେ କଂଗ୍ରେସର ନିରାଶାଜନକ ପ୍ରଦର୍ଶନ ନେଇ ପ୍ରତିକ୍ରିୟା ରଖି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ କହିଛନ୍ତି, ''ଯାହା ହେବାର ଥିଲା ହୋଇଗଲା ମୁଁ ଏହାର ଶ୍ରେୟ ନେବି ନାହିଁ । ଯିଏ ପରାସ୍ତ ହୋଇଛନ୍ତି ତାକୁ ସ୍ବୀକାର କରିବୁ ଯିଏ ଜିତିଛନ୍ତି ତାଙ୍କୁ ଶୁଭେଚ୍ଛା । ଆଗକୁ ଲଢେଇ ଜାରି ରହିବ । ଗଣତନ୍ତ୍ରରେ ହାରଜିତ ସ୍ଥିର ନୁହେଁ ହାରଜିତ ଲାଗି ରହିଥାଏ । ଆଗକୁ ପରାଜୟର ସମୀକ୍ଷା କରାଯିବ ।'' ସେହିପରି ହିମାଚଳ ପ୍ରଦେଶ ଫଳାଫଳ ନେଇ ମଲ୍ଲିକାର୍ଜୁନ କହିଛନ୍ତି,'' ହିମାଚଳରେ ଆମେ ବିଜୟୀ ହୋଇଛୁ । ଜନତା, କର୍ମୀ ଓ ନେତାଙ୍କୁ ଧନ୍ୟବାଦ । ରାହୁଲ ଗାନ୍ଧୀଙ୍କ ଭାରତ ଯୋଡ ଯାତ୍ରା ଆମକୁ ସହାୟ ହୋଇଛି । ସୋନିଆ ଗାନ୍ଧୀଙ୍କ ଆର୍ଶୀବାଦ ଆମ ଉପରେ ଅଛି ।''